Á þriðjudaginn, 14. júní, kl. 17:00 ætla Tálknfirðingar að hittast við fánastöngina á Lækjatorgi og hjálpast að við að gróðursetja sumarblóm í beðin þar og víðar. Venjulega er þetta verkefni sem nemendur í Vinnuskólanum sjá um, en þar sem upphaf vinnuskólans hefur tafist og það styttist í 17. júní þá ætlar fólk að hjálpast að við að koma blómunum niður í þetta skiptið. Vonandi geta sem flest komið á þriðjudaginn og tekið þátt í þessu skemmtilega verkefni.