Í fyrra tóku í gildi ný kosningalög sem eru nr. 112/2021. Samkvæmt þeim skulu sveitarstjórnarkosningar fara fram annan laugardag í maímánuði sem ber ekki upp á laugardag fyrir hvítasunnu. Það þýðir að sveitarstjórnarkosningar í ár munu fara fram 14. maí 2022.

Frestur til að tilkynna framboð er því fyrr á árinu en verið hefur í undanförnum sveitarstjórnarkosningum. Tilkynningar um framboð þurfa að berast til kjörstjórnar fyrir kl. 12:00 á hádegi 36 dögum fyrir kjördag, eða fyrir kl. 12:00 föstudaginn 8. apríl 2022.

Sveitarstjórnarkosningarnar og það sem þeim tengist verður að sjálfsögðu kynnt betur þegar nær dregur en þó þykir rétt að vekja athygli á þessum atriðum þar sem kosningarnar færast nú fyrr á vorið.