Auglýst er laust til umsóknar starf  móttökufulltrúa Tálknafjarðarhrepps

Starf móttökufulltrúa  fellur undir stjórnsýslu og rekstrarmálefni Tálknafjarðarhrepps og heyrir undir sveitarstjóra. Vinnutími er frá kl.10.00 til kl.14.00 virka daga.

Helstu verkefni eru:

Móttaka þeirra sem eiga erindi á sveitarskrifstofuna, símsvörun, umsjón, flokkun  og skráning skjala  í tölvukerfi  hreppsins, hverskonar opinber skráning, innkaup rekstrarvöru fyrir sveitarskrifstofuna, umsjón og bókun fundarsalar, aðstoð við formenn nefnda vegna funda, umsjón með fundargerðarbókum nefnda, ráða og stjórna. Önnur almenn verkefni á skrifstofu samkvæmt nánari fyrirmælum sveitarstjóra.

Hæfniskröfur

• Haldgóð þekking á Word og Excel er nauðsynleg.

• Þjónustulund, þolinmæði, rík ábyrgðarkennd og hæfni í mannlegum samskiptum.

• Frumkvæði og sjálfstæði í vinnubrögðum.

Starfið er veitt frá  4. janúar n.k. eða eftir nánara samkomulagi.  Launakjör eru samkvæm samningum sveitarfélaga við Starfsmannafélag FosVest

Allar upplýsingar um starfið veitir sveitarstjóri sveitarstjori@talknafjordur.is í síma 456-2539

Umsóknir skal senda til sveitarstjórans á Tálknafirði, Miðtúni 1, 460 Tálknafjörður eða í netfangið sveitarstjori@talknafjordur.is 

Tálknafjörður 10.12.2015

Indriði Indriðason, sveitarstjóri Tálknafjarðarhrepps