Umhverfisstofnun hefur unnið tillögu að starfsleyfi fyrir Arctic Sea Farm hf. til framleiðslu á allt að 6.800 tonnum á ári af laxi í Patreskfirði og Tálknafirði. Tillagan ásamt umsókn rekstraraðila verður aðgengileg á skrifstofu sveitarstjórnar Vesturbyggðar, Aðalstræti 63, Patreksfirði og auk þess á skrifstofu Tálknafjarðar, á tímabilinu 29. júní til 25. ágúst 2017.
 

Athugasemdir við tillöguna skulu vera skriflegar og sendar Umhverfisstofnun. Frestur til að skila inn athugasemdum er til 25. ágúst 2017. Meðfylgjandi er auglýst tillaga Umhverfisstofnunar, umsóknargögnin, tilkynning til Skipulagsstofnunar og matsskýrsla. Þá fylgir einnig sérstök greinargerð um málið. Starfsleyfistillagan hefur áður verið auglýst en auglýsingin er endurtekin vegna þess að vafi er á að rétt hafi verið staðið að fyrri auglýsingu.
 

Arctic Sea Farm hf. fór í sama umhverfismat Fjarðalax ehf. en starfsleyfistillaga fyrir það eldi er í auglýsingu til 8. maí 2017. Umhverfisstofnun hefur ekki áform um að halda almennan kynningarfund um tillöguna á auglýsingatíma, en mun endurskoða þá ákvörðun ef eftir því verður óskað.

Tengd skjöl

• Tillaga að starfsleyfi
• Vöktunaráætlun
• Álit Skipulagsstofnunar um mat á umhverfisáhrifum
• Matsskýrsla fyrir eldið
• Burðarþol Patreks- og Tálknafjarðar
• Umsókn um mengandi starfsemi
• Greinargerð um auglýsingu starfsleyfistillögu 
   
  Tekið af vef Umhverfisstofnunar.