Á Tálknafirði verður árið kvatt með brennu og flugeldasýningu á gamlárskvöldi sunnudaginn 31. desember 2023.

Tendrað verður í brennunni á Naustatanga kl. 20:30 og hálftíma síðar verður fjörðurinn lýstur upp með  flugeldsýningu Björgunarsveitarinnar Tálkna.

Minnt er á flugeldasölu Tálkna í húsnæði sveitarinnar við Strandgötu sem er opin kl. 18:00-22:00 á föstudegi, kl. 16:00-22:00 á laugardegi og svo kl. 12:00-14:00 á gamlársdeginum sjálfum. Það skiptir máli að styðja við mikilvæga starfsemi björgunarsveitarinnar og Tálknfirðingar því hvattir til að gera sér ferð til Tálkna.