« 1 af 2 »

Á Tálknafirði er nú lokið fyrri áfanga endurbyggingar á gömlu bryggjunni. Gamla stálþilið var rekið niður 1960 og er því 53 ára gamalt. Í þessari lotu var var nýtt þil rekið utan um það gamla, alls 151 m með -6 m dýpi. Viðlegan beggja vegna er um 66,0 m og gaflinn um 17 m. Verkið hófst í júní árið 2011 með kaupum á 259 tonnum  af þilefni úr grunni tónlistarhússins Hörpu í Reykjavík en stög og festingaefni voru innflutt frá Þýskalandi.
 

Í júlí 2011 var verkefnið boðið út og átti Íslenska Gámafélagið lægsta boð, 59.9 millj. kr. eða 90,6% af kostnaðaráætlun. Vinna hófst í október sama ár en frátafir urðu vegna veðurs og fyrirstöðu í botni. Verkið var svo tekið út í september síðasta haust. Þá höfðu verið reknar 120 þilplötur, fyllt í þilið alls 6500 m³, steyptur kantur með stigum og pollum um 151 m og gengið frá fríholtum. Byggt var veituhús og lagðar ídráttar lagnir fyrir vatn og rafmagn. Framkvæmdakostnaður árið 2011 var kr. 69,7 millj. kr. og árið 2012 64,4 millj. kr.
 

Í samráði við sveitarfélagið er ráðgert að bjóða næsta áfanga út nú á vordögum en hann felst í þekju og frágangi á lögnum.

Frétt tekin af: sigling.is