Umhverfisstofnun hefur unnið tillögu að starfsleyfi fyrir Fjarðalax ehf. til framleiðslu á allt að 10.700 tonnum á ári af laxi í Patreskfirði og Tálknafirði. Fjarðalax ehf er með leyfi til eldis á laxi í sjókvíum að 3.000 tonnum á ári í Patreksfirði og Tálknafirði. Tillagan ásamt umsókn rekstraraðila verður aðgengileg á skrifstofu sveitarstjórnar Vesturbyggðar, Patreksfirði og sveitastjórn Tálknafjarðar, á tímabilinu 5.júlí – 31.ágúst 2017.
 

Athugasemdir við tillöguna skulu vera skriflegar og sendar Umhverfisstofnun. Frestur til að skila inn athugasemdum er til 31. ágúst 2017. Meðfylgjandi er auglýst tillaga Umhverfisstofnunar, umsóknargögnin, tilkynning til Skipulagsstofnunar og matsskýrsla. Þá fylgir einnig sérstök greinargerð um málið. Starfsleyfistillagan hefur áður verið auglýst en auglýsingin er endurtekin. Athugasemdir sem bárust á fyrri auglýsingatíma eru hluti af starfsleyfismálinu.
 

Fjarðalax ehf. fór í sama umhverfismat Arctic Sea Farm hf. en starfsleyfistillaga fyrir það eldi er í auglýsingu 31.ágúst 2017. Umhverfisstofnun hefur ekki áform um að halda almennan kynningarfund um tillöguna á auglýsingatíma, en mun endurskoða þá ákvörðun ef eftir því verður óskað. 
 

Tengd skjöl:

• Tillaga að starfsleyfi
• Vöktunaráætlun
• Álit Skipulagsstofnunar
• Matsskýrsla fyrir eldið
• Burðarþol Patreks- og Tálknafjarðar
• Umsókn um mengandi starfsemi
• Greinargerð um auglýsingu starfsleyfistillögu