Sveitarstjórn Tálknafjarðarhrepps hefur samþykkt að grenndarkynna lóðarstækkun sem og uppsetningu á segldúkstjaldi við Hrafnadalsveg 1 í samræmi við ákvæði 44. gr. skipulagslaga nr. 123/2010.  Grenndarkynning felst í því að nágrönnum sem taldir eru geta átt hagsmuna að gæta er gefinn  kostur á að tjá sig um breytingar í þegar byggðu hverfi þar sem ekki liggur fyrir deiliskipulag.
 

Frestur til að gera athugasemdir er til 28. október og skulu þær berast á netfangið talknafjordur@talknafjordur.is eða á skrifstofu Tálknafjarðarhrepps að Strandgötu 38, 460 Tálknafirði.

Skipulagsfulltrúi Tálknafjarðarhrepps