Ekki hefur enn tekist að stofna kvæðamannafélag á suðursvæði Vestfarða. En það er ekki þar með sagt að kvæðamennskan sé hverfandi tónlistarhefð í landinu. Nýlega var stofnað kvæðamannafélag í Fjallabyggð (Ríma) og er okkur hér fyrir vestan boðið að taka þátt í kvæðakvöldi með þeim. 

Kvæðamenn og kvæðakonur á suðursvæði Vestfjarða:

Komum og kynnumst kvæðamennskunni og jafnvel kveðum saman í Skor þekkingarsetri á Patreksfirði, fimmtudaginn 8. desember kl. 20.00

Kvæðakvöldið fer fram með fjarfundarbúnaði í samvinnu við Rímu sem stýrir „fjarkvæðakvöldinu“ að þessu sinni. Kenndar verða skemmtilegar stemmur og fjörlegir fimmundasöngvar og kveðið svo undirtekur í fjöllunum. Textablöð verða á staðnum.

Áhugasamir staðfesti þátttöku á netfangið magnus@atvest.is fyrir miðvikudaginn 7. desember nk.