Vegna COVID-19 faraldursins er mikilvægt að við íbúar á sunnanverðum Vestfjörðum stöndum saman og hugum að velferð allra í okkar samfélagi.
 

Vilja undirritaðar stofnanir og félagasamtök hvetja íbúa til að huga að náunga sínum. Félagsþjónusta, lögregla, heilbrigðisstofnun og Þjóðkirkja þekkja vel til skjólstæðinga sinna og reyna að sinna öllum vel í því ástandi sem við tökumst nú á við.
 

Til þess að fyrirbyggja að einhver sem er einangraður og/eða þarfnast þjónustu fari fram hjá okkur, biðlum við til almennings um að huga að nágrönnum og ættingjum og láta vita ef grunur leikur á að einhver þurfi á stuðningi að halda. Einnig á þetta við ef einhver þarf á einhverju viðviki/aðstoð að halda svo sem að útvega aðföng eða hvað annað.

Við erum öll almannavarnir. https://www.covid.is/

Hafa má samband við Félagsþjónustuna í síma 450 2300 eða netfangið arnheidur@vesturbyggd.is eða Kristján Arason sóknarprest í síma 846-6569

...

Félagsþjónusta í Vestur Barðastrandasýslu

Patreksfjarðarprestakall

Lögreglan á Vestfjörðum

Rauði krossinn á sunnanverðum Vestfjörðum

Heilbrigðisstofnun Vestfjarða

Björgunarsveitirnar

Lions á Patreksfirði