Fjölbrautaskóli Snæfellinga

Fjölbrautaskóli Snæfellinga og sveitarfélagið Vesturbyggð óska eftir tilboði í skólaakstur fyrir nemendur framhaldsdeildar FSN á Patreksfirði og Bíldudalsskóla skólaárin 2012-2014.
 

Akstur fyrir framhaldsdeild FSN á Patreksfirði.

Ekið er með nemendur deildarinnar að morgni, alla virka daga frá Tálknafirði og Bíldudal til Patreksfjarðar og til baka síðdegis, samkvæmt skóladagatali FSN.
 

Einnig eru farnar þrjár til fjórar ferðir til Grundarfjarðar  á önn og þá þarf akstur fyrir alla nemendur framhaldsdeildarinnar (25-35). Ekið er frá Patreksfirði síðdegis, í ferjuna á Brjánslæk og sækja þarf nemendur á Brjánslæk þegar komið er frá Grundarfirði og aka þeim til baka til Patreksfjarðar, Tálknafjarðar og Bíldudals. Annar daglegur akstur fellur niður þá daga.
 

Ætla má að nemendur í skólaakstri frá Bíldudal verði 5 og um 9 frá Tálknafirði, auk starfsmanna skólans þar sem það á við. Fjölbrautaskóli Snæfellinga áskilur sér rétt til að hafna tilboðum í heild eða taka tilboðum að hluta.

Samið er um tímasetningar bílsins en almenna reglan er að nemendur séu komnir til Patreksfjarðar fyrir kl.8:30 að morgni og til baka kl.15:45 nema á föstudögum þá er heimferð kl.13:30. Tímasetningar vegna námsferða til Grundarfjarðar stjórnast af ferðum Sæferða yfir Breiðafjörð. Í námsferðir er oftast farið seinni part mánudags og til baka á föstudegi, mögulega verða tvær ferðir á ári þar sem farið er á þriðjudegi og til baka á laugardegi.

Akstur fyrir Bíldudalsskóla.

Ekið er með nemendur á Bíldudal að morgni alla föstudaga kl. 09.20 frá Bíldudalsskóla til Patreksfjarðarskóla og til baka í sömu ferð og nemendur framhaldsdeildarinnar.

Áætlaður nemendafjöldi Bíldudalsskóla skólaárin 2012-2014 er 12-14 börn. Skólatími Bíldudalsskóla er áætlaður u.þ.b. 37 vikur.
 

Tilboð óskast send til Jóns Eggerts Bragasonar, skólameistara, á netfangið joneggert@fsn.is og afrit til Þóris Sveinssonar, skrifstofustjóra Vesturbyggðar, á netfangið thorir@vesturbyggd.is eða í pósti: Fjölbrautaskóli Snæfellinga, Grundargötu 44, 350 Grundarfjörður. Frestur til að skila inn tilboðum er til 27. júní 2012. Fyrsti skóladagur haustannar er 22. ágúst og fyrsta ferð í Grundarfjörð er áætluð 27. ágúst til 31. ágúst. Frekari upplýsingar gefur skólameistari í síma 430 8400.