Jón Örn Pálsson fluttist til Tálknafjarðar árið 2001 gagngert til að vinna við laxeldi. Ekkert var úr áformun en Jón hóf umhverfisrannsóknir til að undirbúa jarðveginn. Með kraft og þrautseigu tókst að fá Fjarðalax á svæðið og hófst laxeldi í Tálknafirði á árinu 2010. Jón Örn er nú svæðisstjóri hjá Fjarðarlaxi á sunnanverðum Vestfjörðum.

Magnús Guðmundsson eigandi Tungusilungs, en myndin er tekin fyrir tæpum 10 árum síðan. Þrátt fyrir 82 ára aldur er maðurinn þekktur fyrir mikinn kraft og dugnað. Magnús er lítilsháttar byrjaður að eldast sem kemur helst fram í því að hann er búinn að fá sér fóðurkerfi. Fram að því hefur hann sveiflað fóðurpokum sem yngri menn hafa ekki leikið eftir.

Fjarlax heldur áfram að fjölga kvíum og auka framleiðsluna. Fyrirhugað er að hefja eldi í Patreksfirði á þessu ári. Verið er að slátra laxi úr kvíum í Tálknafirði og fyrirtækið er einnig með sjókvíaeldi í Arnarfirði.

« 1 af 4 »

Ný útgáfa af Fiskeldisfréttum.

Allt frá árinu 2009 hafa Fiskeldisfréttir verið gefnar út og þá sem hluti af Sjávarútvegurinn – vefrit um sjávarútvegsmál. Fiskeldisfréttir hafa verið gefnar út fjórum sinnum á ári eða alls12 sinnum. Fiskeldisfréttir verða framvegis gefnar út sem sérstakt vefrit, sex sinnum á ári eða á tveggja mánaðar fresti.

Meðal efnis í Fiskeldisfréttum að þessu sinni er:

• Ný útgáfa af Fiskeldisfréttum
• Góð tölfræði í norsku fiskeldi
• Sjávarklasinn
• Á döfinni: Framkvæmdir og áform í íslensku fiskeldi
• Tálknafjörður—Mekka fiskeldis á Íslandi?
  
  Tímaritið er að finna á slóðinni: www.sjavarutvegur.is/teng/Fiskeldisfrettir.htm

Í Tálknafirði eru margar fiskeldisstöðvar í rekstri og þar má nefna:

• Fjarðarlax með laxeldi í sjókvíum
• Tungusilungur, með bleikju– og regnbogasilungseldi á þremur starfsstöðvum á landi og er jafnframt með fullvinnslu.
• Bæjarvík með landeldisstöð þar sem stundað er matfiskeldi á bleikju.
• Dýrfiskur með framleiðslu á regnbogasilungsseiðum.
• BA 337 með áframeldi á þorski í sjókvíum.
• Nýskel með kræklingarækt.

Jafnframt má nefna fiskeldisstöð á Sveinseyrir sem hét áður Sveinseyrarlax. Sú stöð hefur ekki verið í notkun lengi en allnokkrir hafa áhuga að byrja þar með fiskeldi.