Arnheiður Jónsdóttir Félagsmálastjóri

Netfang: arnheidur@vesturbyggd.is

Sími 450-2300

Viðtalstímar á Tálknafirði  þriðjudaga 10:00–12:00 og 13:00–16:00

Símatímar þriðjudaga  í síma 456-2539 frá 10:00-12:30 og 13:00-15:00

Símatímar miðvikudaga og fimmtudaga  í síma 450-2300 frá 10:00-12:30 og 13:00-15:00

Markmið félagsþjónustu á vegum sveitarfélaga er að tryggja fjárhagslegt og félagslegt öryggi og stuðla að velferð íbúa, að hvetja einstaklinginn til ábyrgðar á sjálfum sér og öðrum, virða sjálfsákvörðunarrétt hans og styrkja hann til sjálfshjálpar. Veita skal íbúum þjónustu og aðstoð samkvæmt lögum um félagsþjónustu sveitarfélaga og jafnframt tryggja að þeir geti séð fyrir sér og sínum. Aðstoð og þjónusta skal jöfnum höndum vera til þess fallin að bæta úr vanda og koma í veg fyrir að einstaklingar og fjölskyldur komist í þá aðstöðu að geta ekki ráðið fram úr málum sínum sjálf. 

Félagsleg þjónusta í Tálknafjarðarhreppi er veitt í samræmi við lög um félagsþjónustu sveitarfélaga nr. 40/1991

• barnaverndarlög nr.80/2002  
• lög um málefni aldraðra nr. 125/1999  
• lög um málefni fatlaðra nr. 40/1991   
• lög um húsnæðismál nr. 44/1998  
• lög um húsaleigubætur nr. 138/1997  
• og önnur lög eftir því sem við á hverju sinni. 

Félagsmála- og barnaverndarnefnd fara með málefni félagsþjónustu í umboði hreppsnefndar. 

Þagnarskylda 
Fulltrúar félagsmála- og barnaverndarnefndar og starfsmenn félagsþjónustu eru bundnir þagnarskyldu um einkamál þeirra sem njóta þjónustunnar. Þagnarskyldan helst þrátt fyrir að viðkomandi láti af störfum.