Sundlaug og Íþróttahúsi verður lokað kl. 18.00, föstudaginn 12.ágúst n.k vegna vísindaferðar starfsmanna.

Vonumst til að þetta valdi sem minnstum óþægindum.

Starfsfólk sundlaugar og íþróttahúss. 

Fjölbrautaskóli Snæfellinga óskar eftir tilboði í skólaakstur fyrir Framhaldsdeild skólans á Patreksfirði veturinn 2011-2012. 

Ekið er með nemendur að morgni, alla virka daga frá Tálknafirði og Bíldudal til Patreksfjarðar og til baka síðdegis. 

Einnig eru farnar þrjár til fjórar ferðir til Grundarfjarðar á önn og þá þarf akstur fyrir alla nemendur framhaldsdeildarinnar (25-30). 

Ekið er frá Patreksfirði síðdegis, í ferjuna á Brjánslæk og sækja þarf nemendur á Brjánslæk þegar komið er frá Grundarfirði og aka þeim til baka til Patreksfjarðar, Tálknafjarðar og Bíldudals. Annar daglegur akstur fellur niður þá daga. 

Ætla má að nemendur í skólaakstri frá Bíldudal verði 3 og um 7 frá Tálknafirði, auk starfsmanna framhaldsdeildar þar sem það á við. Heildarfjöldi nemenda framhaldsdeildar er um 27. Fjölbrautaskóli Snæfellinga áskilur sér rétt til að hafna tilboðum í heild eða taka tilboðum að hluta. 

Tilboð óskast send til Jóns Eggerts Bragasonar, skólameistara, á netfang: joneggert@fsn.is eða í pósti: Fjölbrautaskóli Snæfellinga, Grundargötu 45, 350 Grundarfjörður. 
  
Frestur til að skila inn tilboðum er til 17. ágúst 2011. Fyrsti skóladagur haustannar er 22. ágúst og fyrsta ferð í Grundarfjörð er 30. ágúst til 2. september. Frekari upplýsingar gefur skólameistari í síma 4308400.

Hafnarstjórn Tálknafjarðarhrepps óskar eftir tilboðum í endurbyggingu stálþils Gömlubryggju.

Um er að ræða rekstur og frágang á um 151 m löngu stálþili utan um núverandi bryggjuhaus.

Helstu magntölur:

Rekstur stáþils: 120 plötur

Stálþilsfestingar: 151 m

Fyllingar: um 3.400 m³

Steyptur kantbiti : 151 m.

Vatns og rafmagshús

Verkinu skal lokið eigi síðar en 30. apríl 2012.

Útboðsgögn verða afhent á skrifstofu Siglingastofnunar, Vesturvör 2, Kópavogi og skrifstofu Tálknafjarðarhrepps frá og með þriðjudeginum 26. júlí 2011 gegn 5.000,- kr. greiðslu.

Tilboð verða opnuð á sömu stöðum þriðjudaginn 16. ágúst, 2011 kl. 11:00 

sigling.is

Þar sem skrifstofa Tálknafjarðarhrepps er lokuð til 12.ágúst, er hægt að nálgast útboðsgögn hjá varaoddvita Birnu Benediktsdóttur í afgreiðslu Landsbankans á Tálknafirði.

FLOKKUN TIL FRAMTÍÐAR 

Tálknafjarðarhreppur boðar til íbúafundar 
miðvikudaginn 25.maí kl. 17:00 í húsnæði grunnskólans. 

Fundarefni er framtíðar skipulag á sorphirðu og sorpeyðingu og staðsetning gámavallar á Tálknafirði.  Lögð verður fram grunnteikning af gámastæði og fulltrúar frá Gámaþjónustu Vestfjarða sitja fundinn og kynna tillögur. 

MÆTUM ÖLL

f.h. Tálknafjarðarhrepps 
Eyrún Ingibjörg Sigþórsdóttir, oddviti. 

Gámaþjónusta Vestfjarða ehf. 
“Umhverfið er framtíðin gættu þess vel"