Vestfjarðavegur (60) í Kjálkafirði var opnaður kl. 16:00 í dag 21. maí eftir skoðun sérfræðinga Vegagerðarinnar og verktakans Suðurverks.
 

Vegagerðin og verktakinn munu fylgjast með skriðuhættu á svæðinu og því getur komið til fyrirvararlítilla lokana ef minnsta hætta er á ferðum, til dæmis vegna rigninga eða ef menn merkja aðrar breytingar á aðstæðum.
 

Auglýst aukaferð Baldurs á morgun verður farin, ekki ferðin í kvöld.

www.vegagerdin.is

Aukferð í kvöld þriðjudaginn 21.maí 20:45 frá Stykkisholmi og 23:25 frá Brjánslæk .
 
Á morgun miðvikudaginn 22.mai kl. 9:00 frá Stykkishólmi og 12:00 frá Brjánslæk.

Vinsamlegast hafið samband í síma 433 2254 tiil að bóka í ferðina.

Starfsfólk Sæferða

Dagskrá heimsóknar

Húna II og Knörrar, hvítasunnudag 19. maí kl. 20.00

• Skipin leggjast að bryggju kl. 20.00
• Skipin boðin velkomin; Bæjarstjóri Vesturbyggðar Ásthildur Sturludóttir
• Karlakórinn Vestri syngur
• Skipin til sýnis og spjallað við siglingamenn
• Kl. 22.00  Gengið upp á Tunguna að minnisvarða um Gyðu
• Siglingamenn leggja blóm að minnisvarðanum til minningar um Pétur Brynjólfsson sem var einn af smiðum skipsins.
• Ávarp; Fríða Pétursdóttir
• Kirkjukór Bíldudals og Tálknafjarðar syngur

Mætum sem flest á Bíldudalshöfn og tökum á móti fallegum fleyjum

Frekari upplýsingar og dagskrá er að finna á: www.huni.muna.is

Í dag, 17. maí, er alþjóðlegur baráttudagur gegn homo-, bi- og transfóbíu (fælni gagnvart samkynhneigðum, tvíkynhneigðum og transfólki), en þann dag árið 1990 var samkynhneigð tekin út af sjúkdómalista Alþjóða heilbrigðisstofnunarinnar. Af því tilefni flöggum við hjá Tálknafjarðarhreppi Regnbogafánanum og sýnum málefni þessu þannig stuðning í verki.

Hómó, bi- og transfóbía-bæklingur (.pdf)

Fyrirhuguð siglingaleið um Breiðafjörð

Félag áhugamanna um Bátasafn Breiðafjarðar (FÁBB), gengst nú fyrir bátahátíð súðbyrtra trébáta á Breiðafirði í sjötta sinn þann 6 og 7 júlí nk.
 
Dagskráin verður með þeim hætti að þáttakendur safnast saman með báta sína á Reykhólum á föstudaginn 5 júlí. Ef aðstæður leyfa verður möguleiki á sameiginlegu grilli saman á föstudagskvöldinu og þá verði farið yfir leiðarlýsinguna ferðarinnar og fróðleik um það sem fyrir augu mun bera. Laugardaginn 6 júlí verður siglt frá Reykhólahöfn kl. 10:00 og siglt NV með Reykjanesi um Staðareyjar og inn Þorska-, Gufu- og Djúpafjörð og aðstæður skoðaðar.