Samtök stofnfjáreigenda í Sparisjóðnum í Keflavík hafa ákveðið að vera með aðalfund miðvikudaginn 30. maí nk. og hefst fundurinn kl 18. Fer hann fram í Fjölbrautaskóla Suðurnesja. „Áhugi er fyrir að vera með fjarfundabúnað á fundinum svo flestir stofnfjáreigendur geti fylgst með. Það virðist hafa myndast áhugi með fólks,á því að skoða málsókn á hendur yfirmönnum, stjórn og endurskoðendum Sparisjóðsins í Keflavík. Sigríður Rut Júlíusdóttir lögmaður samtakana ætlar að mæta á fundinn og kynna fyrir okkur hvernig staðið yrði að þessum málaferlum. Reikningar félagsins verða kynntir og ýmis önnur hagsmunarmál rædd,“ segir í tilkynningu frá Samtökum stofnfjárfesta í SpKef.  

Frétt tekin af visir.is

Fundur verður haldinn um nýtt kvótafrumvarpið, veiðigjald, áhrif, afleiðingar, kosti og galla og hvað það þýði fyrir suðursvæði Vestfjarða.

Fundurinn verður í Félagsheimili Patreksfjarðar þriðjudaginn 15. maí kl. 20 og er opinn öllum.

Með framsögu verða:

• Einar K. Guðfinnsson, alþingismaður, 5. þm. NV, Sjálfst.fl.
• Neil Shiran K. Þórisson, framkvæmdastjóri Atvest
• Sigurður Viggósson, framkvæmdastjóri Odda á Patreksfirði
• Ari Hafliðsson, rekstrarstjóri Þórsbergs hf. á Tálknafirði
• Friðbjörg Matthíasdóttir, forseti bæjarstjórnar Vesturbyggðar

Gert er ráð fyrir því að framsaga hvers verði á bilinu 10-15 mín, fyrirspurnir og umræður verða eftir að framsögu allra er lokið.

Fundarstjóri verður, Bjarni Einarsson, tæknistjóri Fjarðalax.

Málþing sem kallast Hafið, fjaran og fólkið verður haldið hjá Fræðslumiðstöð Vestfjarða að Suðurgötu 12 á Ísafirði laugardaginn 19. maí, en það fjallar um menningararfleifð, tækifæri og ógnir sjávarbyggða. Að þinginu standa Fræðslumiðstöð Vestfjarða, Íslenska vitafélagið - félag um íslenska strandmenningu, og samevrópska verkefnið Fishernet fyrir hönd Stofnunar Vilhjálms Stefánssonar í samstarfi við Byggðasafn Vestfjarða og Háskólasetur Vestfjarða.

Græn svæði „Sláttur og hirðing 2012-2014“

Tálknafjarðarhreppur  óskar eftir tilboðum í slátt á afmörkuðum opnum svæðum sveitarfélagsins.   Tilboðsgögn er hægt að nálgast  á skrifstofu sveitarfélagsins sem og hér:  Útboðsgögn, Sláttur og hirðing 2012-2014

 Sjá einnig: Afstöðumynd sláttursvæða 2012 

Tilboðum skal skilað í lokuðu umslagi á skrifstofu Tálknafjarðarhrepps, Miðtúni 1, Tálknafirði, þannig merktu :

„ Sláttur og hirðing 2012 – 2014, tilboð“,

fyrir kl. 10:00 miðvikudaginn 23.maí 2012 og verða þau opnuð þar kl. 10:15 þann sama dag að viðstöddum bjóðendum sem þess óska.

Oddviti

442. fundur Hreppsnefndar Tálknafjarðarhrepps verður haldinn að

Miðtúni 1, Tálknafirði, miðvikudaginn 9. maí 2012 og hefst kl. 17:00.

Sjá fundarboð hér.

Ársfundur Byggðastofnunar verður haldinn á Sauðárkróki í  júní n.k. Á fundinum verður í annað sinn veitt viðurkenning Byggðastofnunar undir heitinu „Landstólpinn. Samfélagsviðurkenning Byggðastofnunar“.

Við óskum eftir ábendingum um handhafa þessarar viðurkenningar. Að ábendingum fengnum mun dómnefnd velja úr.
Frestur til að koma ábendingum til skila rennur út föstudaginn 11. maí 2012.