Hvítasunnuhelgina 25. – 28. maí verður Skjaldborg – hátíð íslenskra heimildamynda haldin í sjötta sinn á Patreksfirði. Auk þess að frumsýna nýjar íslenskar heimildamyndir er hátíðinni ætlað að vera tækifæri fyrir kvikmyndagerðarfólk og áhugamenn um heimildamyndir til að koma saman. Í lok hátíðarinnar verður besta heimildamyndin á Skjaldborg 2012 valin af áhorfendum.
 

Um leið og gróska hefur aldrei verið meiri í heimildamyndagerð hér á landi er erfitt að fá myndirnar sýndar í kvikmyndahúsum eða sjónvarpi. Skjaldborg sýnir því heimildamyndir sem annars kæmu varla fyrir augu almennings og ber jafna virðingu fyrir hinu smáa, stóra, skrýtna og fokdýra. Á dagskrá hátíðarinnar hafa verið bæði örstuttar myndir og í fullri lengd og efnistökin fjölbreytt.

http://skjaldborg.com/heimildarmyndir/2012/ 

Stjórn Minjasafns Egils Ólafssonar á Hnjóti og Samráðsnefnd Vesturbyggðar og Tálknafjarðarhrepps hafa ákveðið í samráði við Þjóðminjasafn Íslands að láta fjarlægja nótabátinn við Minjasafn Egils Ólafssonar á Hnjóti.

Báturinn skal fjarlægður af safnasvæði Minjasafnsins fyrir 31. maí nk. og er flutningur á kostnað væntanlegs eiganda.

Þeir sem kynnu að hafa áhuga á að eignast bátinn, sendi tilboð til formanns stjórnar Minjafnsins í síma 490 2301 eða á netfangið magnus@atvest.is fyrir 30. maí nk. að öðrum kosti verður honum fargað. 

Áskilinn er réttur til að taka hvaða tilboði sem er, eða hafna öllum.

Stjórn Minjasafns Egils Ólafssonar

Samráðsnefnd Vesturbyggðar og Tálknafjarðarhrepps

Matís leggst á árarnar með heimamönnum beggja vegna Breiðafjarðar og hefur blásið til sóknar í matavælaframleiðslu og tengdum greinum á svæðinu. Liður í þeirri sókn er ráðning tveggja starfsmanna með starfsstöð á sunnanverðum Vestfjörðum en þessir starfsmenn bætast í hóp þeirra tveggja sem nýlega voru ráðnir til starfa á Grundarfirði á Snæfellsnesi.  Starfsmennirnir fjórir munu starfa í nánu samstarfi sín á milli og við aðra starfsmenn Matís, um allt land.

Tálknafjarðarhreppur auglýsir eftir starfsmanni í félagslega heimaþjónustu. Um 25% starf er að ræða. Vinsamlega hafið samband við Elsu Reimarsdóttur, félagsmálastjóra varðandi nánari upplýsingar um starfið, í síma 450 2300 eða með tölvupósti elsa@vesturbyggd.is.

Laun eru eftir kjarasamningum FOS-VEST.

Ráðið verður sem fyrst í starfið.

Undirrituð er með viðtalstíma alla þriðjudaga á skrifstofu Tálknafjarðarhrepps frá 10:00-16:00, sími 456 2538.

Elsa Reimarsdóttir

Móatún 23, Tálknafirði.

Móatún 23 er til leigu/sölu.
Húsið er 170,2 m2 með bílskúr, 5 svefnherbergi og nýuppgert baðherbergi.

Hesthús til leigu/sölu

Til sölu er hesthús við Hrafnadalsveg 41. Um er að ræða tvær einingar 41,4 m2. Í húsinu er kaffistofa og hnakkageymsla.

Nánari upplýsingar gefur Marinó Bjarnason í síma: 8617090.

Útskriftarhátíð Fjölbrautaskóla Snæfellinga verður haldin föstudaginn 25. maí í hátíðarsal skólans í Grundarfirði. Hátíðin hefst kl.15:00 og að henni lokinni verða kaffiveitingar í boði skólans.

Allir velunnarar skólans eru velkomnir.

Skólameistari