Forsetakosningar laugardaginn 30.júní 2012
verða í Tálknafjarðarskóla, grunnskóladeild.
Athugið gengið inn í norðurenda, bókasafnsmegin.
Kjörfundur verður settur
kl. 10:00 og stendur til kl. 18:00.
Kjósendur eru minntir á að hafa með sér persónuskilríki og framvísa þeim ef um er beðið.
Kjörstjórn Tálknafjarðarhrepps.
Þriðjudaginn 26.júní n.k. verður Sigríður Inga dýralæknir stödd hér á Tálknafirði m.a. til að framkvæma hunda- og kattahreinsun. Sigríður verður með aðstöðu í skúrnum við Móberg frá kl. 12:00 – 14:00
Innifalið í leyfisgjöldum er hreinsun og ábyrgðartrygging, óski fólk eftir bólusetningu eða annarri meðferð þarf að panta fyrirfram í síma 861-4568 . Eigendur dýra þurfa að greiða sérstaklega fyrir þá þjónustu og vakin er athygli á að ekki er tekið við kortum.
Vakin er athygli á því að vanræki eigendur dýra þessa skyldu sína er það skýlaust brot á samþykktum um hunda og kattahald í Tálknafjarðarhreppi.
Eigendum óskráðra dýra er bent á að kynna sérsamþykktir og gjaldskrár um hunda- og kattahald í sveitarfélaginu.
Þá er sérstök athygli vakin á eftirfarandi málsgrein :
„Skrá á dýr sín innan þriggja mánaða frá því að þau koma inn á heimilið. Þeir sem hafa vanrækt þessa skyldu sína er bent á að skrá dýr sín strax, að öðrum kosti að eiga á hættu að dýrin verði fjarlægð eins og samþykktir kveða á um.“
Oddviti
Fjölbrautaskóli Snæfellinga og sveitarfélagið Vesturbyggð óska eftir tilboði í skólaakstur fyrir nemendur framhaldsdeildar FSN á Patreksfirði og Bíldudalsskóla skólaárin 2012-2014.
Tilboð óskast send til Jóns Eggerts Bragasonar, skólameistara, á netfangið joneggert@fsn.is og afrit til Þóris Sveinssonar, skrifstofustjóra Vesturbyggðar, á netfangið thorir@vesturbyggd.is eða í pósti: Fjölbrautaskóli Snæfellinga, Grundargötu 44, 350 Grundarfjörður. Frestur til að skila inn tilboðum er til 27. júní 2012. Fyrsti skóladagur haustannar er 22. ágúst og fyrsta ferð í Grundarfjörð er áætluð 27. ágúst til 31. ágúst. Frekari upplýsingar gefur skólameistari í síma 430 8400.
Mánudaginn 18. júní kl. 17.00 verður haldinn kynningarfundur á starfsemi Matís í félagsheimilinu á Bíldudal.
Sérfræðingar frá Matís í Reykjavík, Snæfellsnesi og sunnanverðum Vestfjörðum verða á staðnum til að kynna starfsemi Matís og þá möguleika sem felast í opnun starfsstöðvar Matís á sunnanverðum Vestfjörðum og á Snæfellsnesi.
Allir sem áhuga hafa eru boðnir velkomnir á fundinn til að kynna sér starfsemi Matís og hvaða möguleikar eru í boði á rannsóknum og aðstoð Matís við uppbyggingu atvinnulífs á svæðinu. Matís er þekkingar- og rannsóknafyrirtæki sem vinnur að þróun og nýsköpun i matvælaiðnaði, líftækni og matvælaöryggi. Matís veitir ráðgjöf og þjónustu til fyrirtækja í sjávarútvegi og landbúnaði, sem og íslenska ríkinu. Sem dæmi kemur Matís að þróun á nýjum vörum og ferlum fyrir fyrirtæki og hefur mikilvægu hlutverki að gegna varðandi gæði og öryggi matvæla.
...
443. fundur Hreppsnefndar Tálknafjarðarhrepps verður haldinn að Miðtúni 1, Tálknafirði, miðvikudaginn 13. júní 2012 og hefst kl. 17:00.
Menningarráð Vestfjarða hefur lokið vinnu við að fara yfir styrkumsóknir vegna úthlutunar ráðsins á verkefnastyrkjum árið 2012 og ákvörðun um framlög til einstakra menningarverkefna liggur fyrir. Úthlutanir ráðsins byggjast á úthlutunarreglum sem samþykktar eru fyrir hverja úthlutun. Að þessu sinni eru veitt framlög til 33 verkefna, samtals að upphæð 19.130.000.- Áður hefur Menningarráð Vestfjarða úthlutað 11,4 milljónum í stofn- og rekstrarstyrki á þessu ári.
Verkefnastyrkirnir eru á bilinu 90 þúsund til 1,5 milljón, en það var verkefni Minjasafnsins á Hnjóti sem ber yfirskriftina Björgunarafrekið við Látrabjarg sem fékk hæsta styrkinn að þessu sinni. Alls bárust 107 umsóknir og eins og venjulega var í þeim hópi mikill fjöldi góðra umsókna og spennandi verkefna.
Menningarráð Vestfjarða þakkar kærlega fyrir allar umsóknir sem bárust og óskar umsækjendum öllum velfarnaðar í verkefnum sínum. Næst verður auglýst eftir umsóknum nálægt næstu áramótum.
