Vestfjarðastofa er þátttakandi í fyrirtækjakönnun landshlutanna sem Vífill Karlsson hjá Samtökum sveitarfélaga á Vesturlandi hefur unnið um nokkurra ára skeið. Könnunin hefur verið send út á fyrirtæki á svæðinu, allt frá einyrkjum til stærri fyrirtækja. Í könnuninni er leitað eftir viðhorfi forsvarsmanna fyrirtækja á landsbyggðinni til núverandi stöðu þeirra og framtíðarhorfa.

Þátttaka í könnuninni var góð á Vestfjörðum í fyrra og veitti okkur gagnlegar upplýsingar.

Í ár lítur hins vegar út fyrir að hún verði mjög dræm. Upplýsingarnar eru okkur mikilvægar til þess að sjá hvar styrkleikar og veikleikar atvinnulífs á Vestfjörðum liggja og er liður í að bæta þjónustu okkar gagnvart fyrirtækjum á svæðinu.

Við viljum því vinsamlegast hvetja forsvarsfólk fyrirtækja til að taka þátt svo unnt sé að fá góða mynd af stöðunni á Vestfjörðum.

Þátttakendur hafa verið um 9 mínútur að svara hingað til.

https://www.surveymonkey.com/r/FKLH2019

549. fundur Hreppsnefndar Tálknafjarðarhrepps verður haldinn að Strandgötu 38,
12. desember 2019 og hefst kl. 18:00.

Sjá fundarboð hér (.pdf)

 
Bjarnveig Guðbrandsdóttir, oddviti

Íþróttahúsið á Tálknafirði auglýsir laus störf við sundlaugina við sundlaugina frá og með 2. janúar.

Störf sundlaugarvarða felast í almennri afgreiðslu og þrifum auk eftirlits með sundlaug og íþróttahúsi. Unnið er á vöktum, kvöld og helgar.

Æskilegt er að viðkomandi sé þjónustulundaður og ekki er verra að hafa dálítið frumkvæði.
Æskilegt er að umsækjandi kunni amk eitt tungumál auk íslenskunnar.
Umsækjendur skulu vera orðnir 18. ára.

Laun eru samkvæmt kjarasamningi FOS-VEST og Launanefndar sveitafélaga.

Skylt er að afla upplýsinga úr sakaskrá samkvæmt. 4 mgr. 10 gr. Æskulýðslaga nr. 70/2007.

Allar nánari upplýsingar veitir Bjarnveig Guðbrandsdóttir í síma: 846-4713
eða sundlaug@talknafjordur.is

Umsóknarfrestur er til 18. desember 2018.

Fulltrúar frá VAKA og Akvaplan Niva bjóða til funda um fiskeldismál á Tálknafirði og Ísafirði, dagana 3. og 4. desember nk . Öllum er frjálst að mæta á hvorn staðinn sem er. Tilgangurinn er að koma og hitta eldismenn og aðra þá sem láta sig fiskeldi varða og opna á létt spjall um þá þjónustu sem VAKI og Akvaplan Niva bjóða eldisfyrirtækjum. Einnig munu forsvarsmenn Arctic fish og Arnarlax vera á þessum fundum og ræða við íbúa um núverandi starfsemi og framtíðarplön.

Fundirnir byrja á 20 mín. kynningum frá VAKA og Akvaplan Niva til að opna umræðuna.
Við verðum á Tálknafirði þann 3. desember á Hópinu kl.18.00 og á Ísafirði þann 4. desember á Hótel Ísafirði kl. 12.00. Léttar veitingar verða í boði.

Hlökkum til að sjá sem flesta.

Með von um góðar undirtektir og skemmtilegar umræður.

« 1 af 2 »

Meginþema okkar er fjölskyldan saman um jólin. Þetta eru tónleikar fjölskyldu og vina. Með ást og umhyggju fyrir hvort öðru búum við til okkar allra æskujól.

Skrímslasetrið á Bíldudal, fimmtudaginn 5. desember, kl. 20:00

Nánari upplýsingar á Facebook: Æskujól

Útskriftarhátíð Fjölbrautaskóla Snæfellinga verður haldin þriðjudaginn 17. desember í hátíðarsal skólans í Grundarfirði. Hátíðin hefst kl.16:00 og að henni lokinni verða kaffiveitingar í boði skólans.

Allir velunnarar skólans eru velkomnir.

Skólameistari