Sóknarnefnd Stóra Laugardalskirkju stendur
fyrir kökubasar í Tálknafjarðarkirkju
sunnudaginn 17. nóvember og hefst hann kl. 15.
Á boðstólum verða heimabakaðar kökur, tertur og fleira.
Tilvalið tækifæri til þess að ná sér í eitthvað sætt með sunnudagskaffinu.
Sóknarnefndin
548. fundur Hreppsnefndar Tálknafjarðarhrepps verður haldinn að Strandgötu 38,
14. nóvember 2019 og hefst kl. 18:00.
Sjá fundarboð hér (.pdf)
Bryndís Sigurðardóttir, sveitarstjóri
Laugardaginn 9. 11.
verður kynning á umhverfisvænu hreinlætisvörunum frá
Enjo.
Ýmsar nýjar vörur í bland við gamlar og góðar
Vonumst til að sjá sem flesta.
Harpa Páls og Freyja
Föstudaginn 8. nóvember kl. 17:00 verður haldin árshátíð skólans í Íþróttamiðstöðinni.
Verið velkomin að koma og sjá nemendur sýna listir sínar á sviði.
Aðgangseyrir er 1000 kr. fyrir 16 ára og eldri sem 10. bekkur innheimtir. Þau munu einnig sjá um veitingar í lok sýningar.
talknafjardarskoli.is/
Þar sem stöðuleyfi fyrir gáma er 1 ár, er hér með óskað eftir að eigendur gáma í sveitarfélaginu sæki um eða endurnýi stöðuleyfi fyrir gáma sína.
Umsókn þarf að hafa borist á skrifstofu Tálknafjarðarhrepps fyrir 20. nóvember 2019.
Bryndís Sigurðardóttir
Sveitarstjóri.
Sjaldan er ein báran stök, fyrir nokkrum vikum varð talsvert tjón í Íþróttamiðstöð Tálknafjarðar þegar hitaveitulögn gaf sig og á föstudaginn gaf ofninn í tónlistarstofu Tálknafjarðarskóla upp öndina. Lekinn var mikill og þurfti hraðar hendur við að þurrka upp og forða meira tjóni. Sebastian bæjarfógeti í Þjónustumiðstöðinni brást hratt við, kom í veg fyrir lekann og mætti með ryksuguna, starfsmenn skólans brettu upp ermar og mokuðu vatninu upp. Eins og sjá má á meðfylgjandi myndum var vatnsflaumurinn mikill og eiga starfsmenn sveitarfélagsins heiður skilinn fyrir hröð og fumlaus vinnubrögð.
Bryndís Sigurðardóttir
Sveitarstjóri
