Mánudaginn 7. ágúst 2023, á frídegi verslunarmanna, er Íþróttamiðstöð Tálknafjarðar opin sem hér segir:

Kl. 10:00 til 19:00

Starfsfólk Íþróttamiðstöðvar Tálknafjarðar

Alltof oft kemur fyrir að sorp sé skilið eftir þar sem það á ekki að vera svo sem eins og við gámavöllinn þar sem þessi stæða var í morgun. Slíkt á ekki að sjást og viðkomandi er beðinn um að sjá til þess að þetta sorp verði flokkað og skilað á réttan hátt á gámavöllinn. Gámavöllurinn er opinn í fyrramálið frá kl. 10.00 – 12.00 og því einfalt hjá viðkomandi að koma þessu á réttan stað.
 

Einstaklingar og fyrirtæki eiga að fara með allan úrgang sem til fellur á gámavöllinn á Tálknafirði ef Kubbur sækir úrganginn ekki til viðkomandi. Öll fyrirtæki í Tálknafirði eiga að vera með samning um sorphirðu við Kubb sem sækir sorpið til viðkomandi fyrirtækis. Því er unnið að því að loka fyrir alla losun á öllu úrgangstimbri og öðrum úrgangi á geymslusvæðinu uppi í Hrafnadal og öll losun þar á öðru en greinum og trjáafklippum er bönnuð.
 

Unnið er að nýrri staðsetningu fyrir garðaúrgang og stefnt er að því að geymslusvæðið verði lokað fyrir aðra umferð en þeirra aðila sem þar leigja geymslusvæði. Með bættri umgengni á svæðinu opnast möguleiki á auknu rými fyrir geymslusvæði og þannig geti fleiri aðilar fengið leigt svæði fyrir geymslu.
 

Það er aldrei of oft ítrekað að þegar úrgangur er skilinn eftir þar sem hann á ekki að vera svo sem við gámavöllinn, á hafnarsvæðinu eða uppi í Hrafnadal þá kemur slík umgengni niður á okkur öllum sem greiðum hér sorpgjöld því kostnaðurinn sem hlýst af aukinni losun er greiddur af íbúum í gegnum sorpgjöld. Það er því öllum íbúum í hag að sýna ábyrga umgengni við sorp og úrgang og leggja þannig sitt af mörkum til að ekki þurfi að hækka sorpgjöld enn frekar.

Lilja Magnúsdóttir, umsjónarmaður sorpmála hjá Tálknafjarðarhreppi

Leik- og grunnskólinn hafa hingað til verið með eitt símanúmer en hefur nú tekið upp sitthvort númerið fyrir leik- og grunnskólann.

Nýju símanúmerin eru:
Tálknafjarðarskóli – 450-2520
Leikskólinn Vinabær – 450-2521

Íþróttamiðstöð Tálknafjarðar hefur tekið í notkun nýtt símanúmer. Hið nýja símanúmer er 450 2510.

 

Í dag eru hafnar framkvæmdir við að skipta um lagnir í Túngötu frá Lækjargötu og úteftir og því verður ekki gegnumakstur um Túngötu meðan framkvæmdir standa yfir. Það er stefnt að því að vinna verkið þannig að aðeins lítill hluti götunnar verði undir í einu og skurðinum verði lokað jafnóðum og búið er að skipta um lagnir á hverjum stað. Þannig eigi íbúar að geta lagt bílum sínum í götunni um leið og búið er að vinna hvern hluta verksins en gegnum akstur verður ekki mögulegur fyrr en að verki loknu.

Beðist er velvirðingar á þeim óþægindum sem þetta kann að valda.

Lilja Magnúsdóttir

S:895-2947

Margir hafa eflaust beðið lengi eftir að komast aftur í rennibrautina en sú bið er nú á enda og sundlaugargestum óhætt að taka gleði sína á ný og njóta þess að þeysast niður rennibrautina með bros á vör.

Sól og blíða í Tálknafirði og við vonumst til að sjá sem flesta!