Viltu stunda nám án áherslu á einingar og próf? Taka frá heilan vetur til prófa hvað í þér býr? Viltu velja þér ný viðfangsefni við nýjar aðstæður með nýjum vinum?

Lýðskólinn á Flateyri auglýsir eftir umsóknum einstaklinga sem langar að efla sig og þroskast í nánu samneyti við náttúruna og samfélagið í vestfirsku þorpi. Kennsla hefst í september 2023. Umsóknir fara fram á  vefsvæði skólans www.lydflat.is þar sem nálgast má upplýsingar um skólann, kennara og námsframboð. Þá má nálgast kynningarefni á Instagram síðu. Tenglar á þessar síður er að finna á www.lydflat.is

Opið er fyrir umsóknir og afgreiðsla þeirra er þegar hafin. Umsóknir eru afgreiddar jafnóðum og þær berast. 

Umsækjendur eru hvattir til að sækja um sem fyrst til að auka líkur á inntöku. Það er takmarkað pláss á hverri önn, fyrstir koma, fyrstir fá. Ef nemendur sækja um og það er þegar orðið fullt er þeim boðið að vera á biðlista og/eða fá pláss á næstu önn. 

Hver sem náð hefur 18 ára aldri við upphaf námsannar getur sótt um skólavist við Lýðskólann á Flateyri. Við leitum eftir nemendum sem eru áhugasamir, viljugir og tilbúnir til að taka þátt, deila ábyrgð og prófa eitthvað nýtt.

Skrifstofa Tálknafjarðarhrepps  verður lokuð vegna sumarleyfa frá og með 4 júlí.

Skrifstofan opnar aftur mánudaginn 31 júlí. 2023 kl. 10:00

Kveðja starfsfólk skrifstofu Tálknafjarðarhrepps.

Vegna framkvæmda við vatnsveitu þarf að loka fyrir vatn í austurenda Túngötu, þ.e. frá Lækjargötu, þriðjudaginn 27. júní 2023. Vatnið verður tekið af milli kl. 08:00 og 09:00 að morgni og hleypt aftur á þegar líður að kvöldi. Beðist er velvirðingar á þeim óþægindum sem þetta kann að valda.

Í upphafi júní voru haldnir fimm íbúafundir og kynnt drög að forsendum fyrir sameiningu Tálknafjarðarhrepps og Vesturbyggðar og óskað eftir skoðunum íbúa. Teikningar Elínar Elísabetar og ljósmyndir frá fundunum má sjá á vefsíðu Vestfirðinga.

Boðað er til 615. fundar sveitarstjórnar Tálknafjarðarhrepps sem fer fram á skrifstofu sveitarfélagsins að Strandgötu 38, þriðjudaginn 27. júní 2023 og hefst kl. 17:00.

Sjá fundarboð hér (.pdf)

Ólafur Þór Ólafsson, sveitarstjóri

Tálknafjarðarhreppur auglýsir laust til umsóknar 100% starf forstöðumanns Íþróttamiðstöðvar Tálknafjarðar.
 

Leitað er að úrræðagóðum einstaklingi sem er lipur í mannlegum samskiptum, með vilja til að taka ábyrgð, getu til að sýna frumkvæði í starfi og áhuga á að taka að sér spennandi verkefni.
 

Forstöðumaður Íþróttamiðstöðvar ber ábyrgð á rekstri hennar þ.m.t. á íþróttahúsi, sundlaug og félagsheimili. Starfsmaðurinn sér um að skipuleggja það starf sem fram fer á vegum Íþróttamiðstöðvarinnar, ber ábyrgð á mannauði starfseminnar og ber ábyrgð á samskiptum við viðskiptavini, félög og stofnanir sem nýta Íþróttamiðstöðina. Gert er ráð fyrir því að forstöðumaður gangi vaktir að hluta.
 

Við ákvörðun um ráðningu verður horft til eftirfarandi þátta:

• Sjórnunarreynsla og leiðtogahæfileikar.

• Hæfni og lipurð í mannlegum samskiptum.

• Jákvæðnu, sveigjanleiki og góðir skipulagshæfileikar.

• Rík þjónustulund.

• Sjálfstæð, nákvæm og skipulögð vinnubrögð.

• Hugmyndaauðgi, frumkvæði og drifkraftur.

• Góð almenn tölvukunnátta er skilyrði.

• Geta til að tileinka sér nýja færni

• Góð íslenskukunnátta og geta til samskipta á ensku.

• Önnur reynsla sem nýtist í starfinu.

Fólk af öllum kynjum er hvatt til þess að sækja um. Vakin er athygli á því að umsækjendur þurfa að hafa hreint sakavottorð samkvæmt 10. gr. æskulýðslaga nr. 70/2007. Öllum umsóknum verður svarað þegar ákvöðun um ráðningu hefur verið tekin.
 

Launakjör eru í samræmi við samning Sambands íslenskra sveitarfélaga við viðeigandi stéttarfélags.
 

Allar nánari upplýsingar veitir Ólafur Þór Ólafsson sveitarstjóri í síma 450-2500 eða í gegnum netfangið sveitarstjori@talknafjordur.is.
 

Umsóknareyðublöð er að finna á talknafjordur.is og skila skal umsóknum á netfangið talknafjordur@talknafjordur.is eða á skrifstofu sveitarfélagsins að Strandgötu 38, Tálknafirði. Umsóknarfrestur er til og með 3. júlí 2023.