Mánudagur 10. desember  nk. kl. 20:00 Jólatónleikar í Birkimelsskóla.

Þriðjudagur  11. desember nk. kl. 18:00 Jólatónleikar í Bíldudalskóla.

Fimmtudagur 13. desember nk. kl. 18:00 Jólatónleikar í Patreksfjarðarkirkju

Jólatónleikar í Birkimelsskóla verða með öðru sniði en venjulega þar sem Kirkjukór Patreksfjarðarkirkju og Karlakór Vestri  mun syngja nokkur aðventu- og jólalög.

Við bjóðum alla íbúa Vesturbyggðar og gesti velkomna  á tónleikana.

Við óskum öllum íbúum Vesturbyggðar gleðilegrar jólahátíðar og blessunar Guðs á nýju ári.

Kennarar,  Tónlistarskóla Vesturbyggðar

Kvikmyndaklúbburinn Kittý kynnir Santa Clause.
Sýningin hefst Kl 15:00 í kvikmyndahúsinu Skjaldborg, sunnudaginn 9. desember 2012.

Myndin er ætluð öllum aldurshópum.
Myndin er með ensku tali og textuð.  Miðaverð kr. 500.-

Á myndinni má sjá frítt lið og harðsnúið

Þessir karlar hafa verið að vinna í Fosshótel Vestfirðir síðustu daga og verða áfram ásamt fleirum og hafa þeir allir staðið sig eins og hetjur í hafróti .

Þann 1. desember sl. var þeim áfanga náð að lokið var við klæðningu utanhúss, allir veggir tilbúnir undir málningu á 2 hæð og þrír dagar síðan byrjað var að sparsla og mála, uppsetningu lyftu er lokið.

Verkið er á áætlun og af því tilefni verður opið hús laugardaginn 8. desember nk. frá 14:00-16:00.

Þá verður þeim sem áhuga hafa, boðið að skoða hótel bygginguna og þiggja kaffi/gos og kökur.

Það er ósk okkar sem stöndum að þessu verkefni að sem flestir sjái sér fært að mæta og skoða framkvæmdirnar við hótelbygginguna.

Ólafur Sæmundsson
byggingarstjóri

• Skrifstofa  

Helstu verkefni :

- Ábyrgð á að bókhald sveitarfélagsins og undirfyrirtækja sé rétt uppfært og afstemmt.

- Ábyrgð á gerð og útsendingu reikninga.

- Innheimta, eftirlit og tengiliður við Intrum. 

- Skjalastjórnun í One system.

- Annast ljósritun og útsendingu fundargagna fyrir hreppsnefnd og aðrar nefndir eftir atvikum.

- Almenn afgreiðsla.

Starfskröfur :

-  Ekki er gerð krafa um stúdentspróf en starfsmaður þarf að hafa lokið einhverju
skrifstofunámi/verslunarprófi eða hafa mjög mikla reynslu á starfssviðinu.

- Góð bókhaldsþekking er skilyrði.

- Góð tölvukunnátta er skilyrði, þekking á excel töflureikni, word ritvinnslu, Outlook tölvupóstforriti og góð þekking á internetinu. 

Viðkomandi þarf að vera lipur í samskiptum með þjónustulund, stundvís, reglusamur og snyrtimennska höfð í fyrirrúmi.  Þá þarf viðkomandi að hafa gott vald á íslensku tal- og ritamáli,  getu til þess að vinna sjálfstætt og hafa vilja til að sýna ábyrgð. 

Starfshlutfall er a.m.k. 50%, laun skv. kjarasamningi FosVest og launanefndar sveitarfélaga. 

Umsóknum skal skilað til oddvita á skrifstofu eða rafrænt á netfang oddviti@talknafjordur.is  Umsóknareyðublöð er hægt að nálgast á talknafjordur.is . 

Viðkomandi þarf að geta hafið störf sem fyrst.     Umsóknarfrestur er til 19.desember 2012.

Allar nánari upplýsingar veitir oddviti á skrifstofu sveitarfélagsins og/eða í síma 456-2539, gsm 863-5676 / netfang oddviti@talknafjordur.is

Hið árlega aðventukvöld Patreksfjarðarkirkju verður haldið í kvöld miðvikudagskvöldið 5. des. kl. 20:00.  Kirkjukór Patreksfjarðarkirkju, ásamt barnakórum,  kemur okkur í hið sanna jólaskap og við hlýðum á upplestur og jólaguðspjallið og syngjum saman jólalög.

Mætum öll í kirkjuna okkar, eflum samkennd og eigum góða og uppbyggilega stund saman.

Patreksfjarðarkirkja

Súpufundur í Sjóræningjahúsinu kl 12:30, fimmtudaginn 6. desember nk.

Gunnlaugur Björn Jónsson, arkitekt og Magnús Ólafs Hansson, verkefnastjóri hjá AtVest flytja erindi um varðveisluverðar húseignir og húsakönnun í Vesturbyggð,  uppbyggingu og viðgerðir þeirra.