450. fundur Hreppsnefndar Tálknafjarðarhrepps verður haldinn að Miðtúni 1, Tálknafirði, þriðjudaginn 22. janúar 2013 og hefst kl. 17:00. 

Sjá auglýsingu hér.

Maria Jolanta og Elzbieta Anna

Þriðji fyrirlestur Róta og Fræðslumiðstöðvar Vestfjarða um Mannauðinn og menningarlega fjölbreytni verður fimmtudaginn 17. janúar, kl. 17 – 18.
 
Þá munu þær Elzbieta Anna og Maria Jolanta Kowalczyk fjalla um Pólland og segja frá landi og þjóð, mannlífi og menningu. 
 
Fyrirlesturinn verður fluttur á Patreksfirði, en varpað með fjarfundabúnaði til annarra staða á Vestfjörðum. Á Ísafirði verður hann hjá Fræðslumiðstöðinni að Suðurgötu 12.

Vefsíðan www.wheniniceland.com er ný þjónustu sem hefur það að markmiði að auðvelda erlendum ferðamönnum að finna þjónustu og afþreyingu við sitt hæfi á Íslandi. When in Iceland býður því íslenskum fyrirtækjum að auglýsa á vefsíðunni sér að kostnaðarlausu, en það eina sem fyrirtækin þurfa að gera er að skrá sig á vefsíðuna og setja inn þær upplýsingar sem fyrirtækið vill að komist til skila til þeirra erlendu ferðamanna sem hugsa sér að sækja landið heim. Þjónusta sem þessi hefur ekki verið veitt áður á Íslandi og er því til mikilla hagsbóta bæði fyrir ferðamenn og fyrirtæki í ferðaþjónustu.  

Bilanatíðni Tálknafjarðarlínu hefur verið ábótavant að mati Landsnets og mun fyrirtækið því verja nokkur hundruð milljónum í styrkingu á línunni í sumar. „Það verkefni er á fjárhagsáætlun hjá okkur og teljum við brýnt að bæta afhendingaröryggi raforku á sunnanverðum Vestfjörðum. Gert var ástandsmat á línunni síðastliðið sumar og ráðist í ákveðnar lagfæringar þá strax, en frekari lagfæringar kröfðust meiri undirbúnings,“ segir Þórður Guðmundsson forstjóri Landsnets.

Í ljósi umfjöllunar um kynferðisbrotamál í Kastljósi undanfarna daga vilja félagsþjónustur á Vestfjörðum (Félagsþjónustan við Djúp, Félagsþjónusta Ísafjarðarbæjar, Félagsþjónusta Stranda- og Reykhólahrepps og Félagsþjónustan í Vestur- Barðastrandarsýslu)  leggja áherslu á mikilvægi þess að þeir sem hafa orðið fyrir slíkri reynslu fái viðeigandi aðstoð og stuðning.

450.fundur sem halda átti 9.janúar 2013 er frestað. 

Nýr fundartími verður auglýstur síðar.

                                                                                        Oddviti.