Birna Hannesdóttir

„Hlutirnir hafa tilhneigingu til að reddast“ og það á svo sannarlega við í stóra skólastjóramálinu í Tálknafjarðarskóla. Nú hefur þriðji skólastjórinn verið ráðinn við skólann á þessu skólaári og megi hið fornkveðna um að „allt er þegar þrennt er“ sannast. Sveitarfélagið datt aldeilis í lukkupottinn því um stöðu skólastjóra sóttu tveir vel menntaðir og hæfir einstaklingar, úr vöndu var að ráða en niðurstaðan er að ráða Vestfirðinginn Birnu Friðbjörtu S. Hannesdóttur. Birna er kennaramenntuð, hefur lokið MLM námi í forystu og stjórnunarfræðum og mun í júní ljúka 30 eininga diplómanámi í stjórnun menntastofnana. Þar að auki hefur hún bakkalárgráðu í ferðamálafræðum með áherslu á stjórnun. Birna hefur lokið mörgum áhugaverðum námskeiðum er varða skólahald, þar með talið námskeiði í agastjórnun sem við teljum reyndar að reyni ekki mikið á þar sem börnin í Tálknafjarðarskóla eru með eindæmum kurteis og prúð.
 

Birna mun hefja störf þegar í stað og mætir galvösk í skólann strax að loknu páskafríi.
 

Niðurstöður samræmdra prófa í 9. bekk sýna að Birna tekur við góðu búi, nemendur stóðu sig vel og sýndu góðar framfarir, í nærri helming prófa sýndu nemendur meiri eða talsvert meiri framfarir en almennt gerðist á landsvísu.

Bryndís Sigurðardóttir,

sveitarstjóri

541. fundur Hreppsnefndar Tálknafjarðarhrepps verður haldinn að Strandgötu 38,
17. apríl 2019 og hefst kl. 10:00.

Sjá fundarboð hér (.pdf)

Bryndís Sigurðardóttir, sveitarstjóri

540. fundur Hreppsnefndar Tálknafjarðarhrepps verður haldinn að Strandgötu 38,
11. aprí 2019 og hefst kl. 18:00.

Sjá fundarboð hér (.pdf)

Bryndís Sigurðardóttir, sveitarstjóri

Tálknafjarðarhreppur óskar eftir tilboðum í verkið: Fráveita á Tálknafirði, endurnýjun lagna.

Um er að ræða endurnýjun á 1200 mm útrásarlögn ásamt lagningu 300 mm fráveitulagnar sem tengist inn á útrásarlögn.

Helstu magntölur:
Gröftur 600 m³
Útrásarlögn 50 m
Fráveitulögn 50 m
Steyptar stéttar 150 m²

Útboðsgögn verða afhent á skrifstofu Tálknafjarðarhrepps, Strandgötu 38, 460 Tálknafirði og á skrifstofu Verkís, Hafnarstræti 1, 400 Ísafirði frá og með 11. apríl.

Tilboð verða opnuð 10. maí kl. 11:00

Félagsþjónusta Vestur-Barðastrandarsýslu auglýsir starf stuðningsaðila laust til umsóknar.

Starfssvið:
Stuðningsaðili fyrir fatlaðan einstakling

Starfstími:
17. júlí- 21. ágúst
8-16 virka daga
 
Svæði: Patreksfjörður
 

Hæfniskröfur:
Hæfni í mannlegum samskiptum
Metnaður, hugmyndaauðgi, þolinmæði
Viðkomandi verður að hafa náð 18 ára aldri

Nánari upplýsingar gefa starfsmenn félagsþjónustunnar í síma 450-2300
 

Umsóknir sendist á:
Svanhvíti Sjöfn, ráðgjafa hjá Félagsþjónustu Vestur-Barðastrandarsýslu
svanhvit@vesturbyggd.is

Umsóknarfrestur er til og með 17. apríl

Kynningarfundur vegna endurskoðunar aðalskipulags Tálknafjarðarhrepps verður haldinn fimmtudaginn 4. apríl kl. 20:00 í Vindheimum.
 

Megin markmið fundarins er að fá íbúa sveitarfélagsins til þess að taka virkan þátt í aðalskipulagsvinnunni og koma sínum skoðunum og hugmyndum á framfæri varðandi aðalskipulagið.

Vonast er til að íbúar Tálknafjarðarhrepps fjölmenni á fundinn og láta sig málið varða.

F.h. Tálknafjarðarhrepps

Bryndís Sigurðardóttir