Minjasafn Egils Ólafssonar að Hnjóti auglýsir eftir fólki til starfa á safninu sumarið 2019.
 
Helstu verkefni eru leiðsagnir um safnið, afgreiðsla í kaffiteríu, almennum þrifum.
 

Við leitum að jákvæðum, þjónustulunduðum, skipulögðum og snyrtilegum einstaklingum með hæfni í mannlegum samskiptum.
 
Gott vald á íslensku og ensku er skilyrði og frekari tungumálakunnátta er kostur.

Frítt húsnæði er í boði fyrir starfsfólk í 5 km fjarlægð frá safninu. Eigið farartæki er kostur.
 

Frábært tækifæri fyrir nema eða annað áhugafólk um sögu, menningu og náttúru sunnanverðra Vestfjarða.
 

Atvinnuumsókn sendist fyrir 10. mars á netfangið museum@hnjotur.is
 

Frekari upplýsingar um starfið gefur Inga Hlín Valdimarsdóttir í síma 456-1511 eða á museum@hnjotur.is.
 

Í tilefni af konudeginum síðastliðinn sunnudag ætlar íþróttamiðstöð Tálknafjarðar að halda konudagsfjör föstudaginn 1. mars. Fjörið hefst stundvíslega kl. 20:30 og mun dagskráin vera eftirfarandi:

Zumba strong - 20 mínútur
Zumba - 20 mínútur
Pallatími - 20 mínútur
Yoga - 20 mínútur

Að sjálfsögðu endum við fjörið á að fara í pottinn og þiggja léttar og góðar veitingar.

Formleg afhending styrkjanna fór fram fyrr í dag 26.02.2019 kl. 11:00 í húsnæði OV að Stakkanesi Ísafirði, Eyrargötu Patreksfirði og Skeiði 5 Hólmavík.

Alls bárust 88 umsóknir og að þessu sinni voru veittir 42 styrkir samtals að fjárhæð 4.000.000 kr.

Þeir sem hlutu styrk að þessu sinni voru:

• Félag eldri-borgara í Önundarfirði: Sumarferðir o.fl. - 50.000 þús. kr.
• Gísla saga Haukadal: Víkingaskóli barnanna - 50.000 þús. kr.
• Golfklúbbur Bolungarvíkur: Golfkennsla, barna og unglingastarf - 50.000 þús. kr.
• Golfklúbbur Ísafjarðar: Golfkennsla - 50.000 þús. kr.
• Golfklúbburinn Gláma Þingeyri: Bæta aðstöðu á golfvellinum - 50.000 þús. kr.
• Hestamannafélagið Stormur Vestfjörðum: Barna og unglingastarf - 50.000 þús. kr.
• Ingastofa - Holt í Önundarfirði Friðarsetur: Menningarstarf - 50.000 þús. kr.
• Íþróttafélagið Grettir: Gönguskíðabúnaður barna - 50.000 þús. kr.
• Íþróttafélagið Ívar: Efling badmintonþjálfunar - 50.000 þús. kr.
• Krabbameinsfélagið Sigurvon: Fræðsla og forvarnir - 50.000 þús. kr.
• Minningarsjóður um Svan Ís 214: Minningarathöfn og upplýsingaskilti - 50.000 þús. kr.
• Nemendafélag Menntaskólans á Ísafirði: Sólrisuvika - 50.000 þús. kr.
• Skotíþróttafélag Ísafjarðarbæjar: Þjálfun í bog-og skotfimi - 50.000 þús. kr.
• Vestri - Hjólreiðar: Barna og byrjendavænt hjólreiðasvæði - 50.000 þús. kr.
• Act alone: Leiklistarhátíð - 100.000 þús. kr.
• Ágúst G. Atlason: Ljósmyndanámskeið fyrir unga fólkið - 100.000 þús. kr.
• Blakdeild Vestra: Kaup á keppnisblakboltum - 100.000 þús. kr.
• Héraðssamband Vestfirðinga: Fræðsluverkefni um næringu - 100.000 þús. kr.
• Rauði krossinn á n Vestfjörðum: Kaup á tækjum og búnaði fyrir skyndihjálp - 100.000 þús. kr.
• Sunddeild UMFB: Endurnýjun á búnaði - 100.000 þús. kr.
• Björgunarbátasjóður Vestfjarða: Kaup á björgunarskipi - 150.000 þús. kr.
• Björgunarfélag Ísafjarðar: Kaup á snjóflóðaýlum - 150.000 þús. kr.
• Björgunarsveitin Kofri/Slysavarnardeild Súðavíkurhrepps: Endurnýjun vélsleða - 150.000 þús. kr.
• Björgunarsveitin Sæbjörg Flateyri: Ljósbúnaður á björgunarbát - 150.000 þús. kr.
• Björgunarsveitin Tindar: Kaup á harðborna björgunarbáti - 150.000 þús. kr.
• Knattspyrnufélagið Hörður: Unglingastarf og mótshald - 150.000 þús. kr.
• Golfklúbbur Bíldudals: Golfkennsla og aðstaða - 50.000 þús. kr.
• Héraðssambandið Hrafna-Flóki: Grindur til grindahlaups - 100.000 þús. kr.
• Íþróttafélag Bílddælinga: Barnastarf og búnaður - 100.000 þús. kr.
• Tónlistarskóli Vesturbyggðar: Kaup á flygli - 100.000 þús. kr.
• Ungmennafélag Tálknafjarðar: Kaup á hraðaklukku til þjálfunar - 100.000 þús. kr.
• Björgunarbátasjóður barðastrandasýslu: Flotgallar á björgunarskipið Vörð ll - 150.000 þús. kr.
• Björgunarsveitin Blakkur: Kaup á flotgöllum og björgunarvestum - 150.000 þús. kr.
• Björgunarsveitin Kópur Bíldudal: Kaup á Tetra talstöðvum - 150.000 þús. kr.
• Rafstöðin, félagasamtök: Sögusýning í gömlu rafstöðinni Bíldudal - 150.000 þús. kr.
• Elín Agla Briem / Þetta Gimli: Námskeiðahald og viðhald menningu í Árneshreppi - 50.000 þús. kr.
• Sauðfjársetur á Ströndum: Náttúrubarnahátíð 2019 - 50.000 þús. kr.
• Geislinn: Kaup á ærslabelg - 100.000 þús. kr.
• Ungmennafélagið Afturelding Reykhólahreppi: Íþróttir og þjálfun - 100.000 þús. kr.
• Björgunarsveitin Björg Drangsnesi: Kaup á nýjum utanborðsmótorum - 150.000 þús. kr.
• Björgunarsveitir Heimamenn: Efling björgunarsveitar - 150.000 þús. kr.
• Skiðafélag Strandamanna: Lýsing í skíðabraut Selárdal - 150.000 þús. kr.

Nánari upplýsingar eru á vef Orkubúsins og á facebook síðu Orkubúsins eru fleiri myndir frá afhendingu samfélagsstyrkjanna.

Arnheiður Jónsdóttir, félagsmálastjóri

Páll Vilhjálmsson, íþrótta- og tómstundafulltrúi

« 1 af 2 »

Nágrannasveitarfélögin hér á sunnanverðum Vestfjörðum eiga með sér mikið og gott samstarf um margskonar málefni, eitt af þeim er sameiginleg félagsþjónusta. Þar stendur í stafni Arnheiður Jónsdóttir félagsmálastjóri en hún fékk á liðnu ári góðan liðsauka í Páli Vilhjálmssyni í nýrri stöðu íþrótta- og tómstundafulltrúa. Bæði hafa þau haft starfstöð í nýrri og glæsilegri skrifstofu Vesturbyggðar á Patreksfirði en verið dugleg að renna yfir fjöllin og heimsækja nágrannabæi.

Starfsmenn á skrifstofu Tálknafjarðarhrepps þrengdu á dögunum aðeins að sér og útbúin var þriðja starfstöðin á skrifstofunni og þar ætla þau Arnheiður og Páll að koma sér fyrir á þriðjudögum og miðvikudögum. Arnheiður verður á þriðjudögum en Páll á miðvikudögum. Þó er ekki víst að hægt sé að ganga alltaf að þeim vísum við skrifborðið nema panta tíma því þau verða á ferðinni í þorpinu, að sinna sínum störfum.
 

Netfang Arnheiðar er arnheidur@vesturbyggd.is en Páls it@vesturbyggd.is

Bryndís Sigurðardóttir

sveitarstjóri

Vestfirðir hafa hlotið umhverfisvottun EarthCheck fyrir árin 2018-2019, um er að ræða svokallaða silfurvottun.

Það var árið 2012 sem sveitarfélögin á Vestfjörðum tóku ákvörðun um að gerast aðilar að umhverfisvottunarsamtökunum EarthCheck en það eru einu umhverfisvottunarsamtök í heimi sem votta samfélög. Með þessu skuldbinda sveitarfélögin sig til að taka mið af umhverfinu í öllum sínum ákvörðunum og tryggja sjálfbæra nýtingu. Þetta kemur fram á splunkunýrri vefsíðu Vestfjarðarstofu sem nú stýrir verkefninu.
https://www.vestfirdir.is/is/verkefni/umhverfisvottun-vestfjarda
 

Þar kemur sömuleiðis fram að sveitarfélögin hafi tekið þá ákvörðun að vera í fararbroddi í umhverfismálum og vera stóriðjulaus landshluti. Hluti af því ferli var að sækjast eftir umhverfisvottun og var því markmiði náð árið 2016 þegar landshlutinn fékk silfurvottun EarthCheck.
 

Til hamingju Vestfirðir