Vegna vinnu Mílu við búnað á símstöðinni á Patreksfirði aðfaranótt föstudagsins 15. febrúar verður rof á gagnaflutnings- og farsímaþjónustu í allt að 4 klst. á meðan vinnu stendur.

Þessi vinna hefur ansi víðtæk áhrif á suðurfjörðunum og m.a. Tálknafirði líka þar sem þeir staðir tengjast í gegnum Patreksfjarðar símstöðina.

Guðbjartur Ásgeirsson verður í sambandi við Neyðarlínuna 112 komi til neyðartilfella s.s. eldsvoða og kemur boðum til viðeigandi viðbragðsaðila. Guðbjartur er til heimilis að Móatúni 23, Tálknafirði.

Dagsetning: 15.2.2019
Tími: 01:00-06:00

538. fundur Hreppsnefndar Tálknafjarðarhrepps verður haldinn að Strandgötu 38,
14. febrúar 2019 og hefst kl. 18:00.

Sjá fundarboð hér (.pdf)

Bryndís Sigurðardóttir, sveitarstjóri

Þriðjudaginn 12. febrúar munu Arctic Fish og Arnarlax halda umræðufund og kynna frummatsskýrslu vegna 14.500 tonna laxeldis í Patreks- og Tálknafirði.

Fundurinn verður haldinn í Seiðaeldisstöð Arctic Fish í Norðurbotni í Tálknafirði og hefst klukkan 17:00.

Allir velkomnir.
Arctic Fish og Arnarlax

Umhverfisstofnun vekur athygli á því að nú eru laus til umsókna störf við landvörslu náttúruverndarsvæða á sunnanverðum Vestfjörðum. Sjá auglýsingu hér: https://www.stjornarradid.is/efst-a-baugi/laus-storf-a-starfatorgi/laust-starf/2019/01/31/Landvarsla-a-sunnanverdum-Vestfjordum/

Nú liggur það fyrir að Atvinnuvega- og nýsköpunarráðuneytið hefur hafnað tilraun Tálknafjarðarhrepps til að nýta byggðakvóta til eflingar annars atvinnulífs en sjávarútvegs. Ekki virðist vera lagaheimild til staðar sem heimili slík ákvæði.
 

Eftir stendur að reglur Tálknafjarðarhrepps eru því óbreyttar frá síðasta fiskveiðiári, löndunarskylda er í Tálknafjarðarhöfn, vinnsluskylda innan byggðarlaga í Vestur – Barðastrandarsýslu, 30% aflaheimilda skipt jafnt milli þeirra útgerða sem sækja um byggðkvóta og 70% skipt hlutfallslega. Fiskistofa mun fljótlega auglýsa eftir umsóknum um byggðakvóta.
 

Tillögur starfshóps um endurskoðun á framtíðarskipan byggðakvóta virðast því ekki hafa skilað sér í lög og ástæða til að kanna hvað líður. Það er áhugavert að lesa skýrslu starfshópsins, hana má nálgast hér: https://www.stjornarradid.is/lisalib/getfile.aspx?itemid=f13ff645-67da-11e7-941c-005056bc530c
 

Í forsendum starfshópsins segir að tryggja þurfi sveigjanleika í ráðstöfun byggðakvóta til að mæta aðstæðum á hverjum stað og stuðla að fjölbreyttum lausnum á vanda minni sjávarbyggða, þ.m.t. uppbyggingu annarrar atvinnustarfsemi ef ekki eru lengur taldar forsendur fyrir sjávarútvegi. Sömuleiðis segir að byggðakvóta sé ætlað að efla atvinnulíf í sjávarbyggðum en ekki einungis rekstur tiltekinna fyrirtækja innan þeirra.
 

Bryndís Sigurðardóttir

sveitarstjóri

Aðalfundur kvenfélagsins Hörpu verður í Vindheimum Þriðjudaginn 5. febrúar kl. 20:30.

Venjuleg aðalfundarstörf.

Nýir félagar hjartanlega velkomnir.
 

Stjórnin