Þriðjudaginn 18. desember kl. 16:30 mun Lilja Guðríður Karlsdóttir samgönguverkfræðingur hjá Viaplan kynna nýútgefna valkostagreiningu varðandi Vestfjarðarveg.
Allir eru hvattir til að mæta og Tálknfirðingar sem hafa áhuga á að mæta munu sameinast í bíla við skrifstofu Tálknafjarðarhrepps, brottför kl. 13:30
Bryndís Sigurðardóttir, sveitarstjóri
Fjárhagsáætlun Tálknafjarðarhrepps fyrir árið 2019 var lögð fram til fyrri umræðu þann 29. nóvember 2018 og samþykkt við síðari umræðu þann 13. desember 2018. Sveitarstjóri og sveitarstjórn unnu áætlunina saman á þremur vinnufundum auk hefðbundinna sveitarstjórnarfunda, sömuleiðis voru allir deildarstjórar þátttakendur í sínum rekstrareiningum. Nánast allir sem komu að þessari vinnu eru nýgræðingar en með góðu samstarfi og vinnufúsum höndum er áætlunin samþykkt og rekstrarrammi sveitarfélagsins lagður.
Það er talsverð óvissa með rekstur grunnskóla og leikskóla enda er sveitarfélagið að taka þá yfir eftir nokkurra ára farsælt samstarf við Hjallastefnuna. Það liggur því fyrir að á fyrripart ársins 2019 verði fjárhagsáætlun þessara málaflokka endurskoðuð með tilliti til reynslu.
Rekstur sveitarfélagsins árið 2019 er í járnum og velta þarf fyrir sér hverri krónu. Jöfnunarsjóður tók vel á með sveitarfélaginu árið 2017 og 2018 enda varð atvinnulíf staðarins fyrir miklu áfalli við lokun Þórsbergs. Í áætlun ársins 2019 er ekki gert ráð fyrir aukaframlagi frá Jöfnunarsjóði enda ekkert vitað hvort eða hve hátt það gæti orðið.
Afar lítið svigrúm er til fjárfestinga.
Talsverður kostnaður felst í að yfirtaka skólana í sveitarfélaginu og í rekstraráætlun er gert ráð fyrir 7.000.000 framlagi til uppbyggingar á nýrri skólastefnu og skipulagi skólans. Lagnakerfi sundlaugar hefur um árabil verið tifandi tímasprengja og hefur sveitarstjórn ákveðið að fara í endurnýjun á lögnum hússins. Verkefnið hefur ekki verið hannað eða kostnaðarmetið en teknar eru frá 2.000.000 til framkvæmdarinnar.
Neyðarástand ríkir í fráveitumálum og brýnt að bregðast við. Byggingar-. skipulags, og umhverfisnefnd, ásamt byggingarfulltrúa og fulltrúum úr sveitarstjórn hafa í grófum dráttum lagt fram lausn sem vinna þarf áfram. Í fjárhagsáætlun eru teknar frá 12.000.000 í fyrsta áfanga en vilji sveitarstjórnar stendur þó til að ljúka allri framkvæmdinni á árinu 2019, fáist til þess fjármagn.
Leggja þarf lokahönd á flutning slökkvistöðvar og gert er ráð fyrir 2.000.000 til að ljúka því verkefni.
Bryndís Sigurðardóttir, sveitarstjóri
Fjárhagsáætlunina má sjá hér: Fjárhagsáætlun 2019-2022 (.pdf)
535. fundur Hreppsnefndar Tálknafjarðarhrepps verður haldinn að Strandgötu 38,
13. desember 2018 og hefst kl. 18:00.
Sjá fundarboð hér (.pdf)
Bryndís Sigurðardóttir, sveitarstjóri
Útskriftarhátíð Fjölbrautaskóla Snæfellinga verður haldin laugardaginn 15. desember í sal skólans í Grundarfirði. Hátíðin hefst kl.14:00 og að henni lokinni verða kaffiveitingar í boði skólans.
Allir velunnarar skólans eru velkomnir.
Skólameistari
Orkubúið vill með styrkjunum sýna stuðning í verki við þá aðila og félög sem sinna ýmsum samfélagsmálum á Vestfjörðum. Þar getur verið um að ræða ýmiskonar starfsemi eða félagasamtök, s.s. björgunarsveitir, íþrótta- og æskulýðsstarf, menningarstarfsemi og listir eða einhver önnur áhugaverð verkefni sem skipta máli fyrir vestfirskt samfélag.
Rétt er að minna á að leitast verður við að styrkja verkefni vítt og breitt um Vestfirði.
Verkefnin þurfa að uppfylla þau skilyrði að þau séu til eflingar vestfirsku samfélagi, en að öðru leyti er umsækjendum gefnar nokkuð frjálsar hendur varðandi verkefni.
Miðað er við að einstakar styrkveitingar geti verið á bilinu 50.000 til 500.000,-
Umsóknum skal skilað rafrænt með því að fylla út þetta rafræna eyðublað.
Umsóknarfrestur er til og með 6. janúar 2019.
Sunnudaginn 2. desember kl. 18:30 verða ljósin á jólatrénu kveikt á Lækjartorgi. Við ætlum að mæta í jólaskapi en heyrst hefur að óvæntir gestir verði á sveimi og spjalli við börnin og syngja nokkur jólalög með okkur. Eftir það fáum við okkur heitt kakó og smákökur á Lækjartorgi. Mjög gott væri ef allir gætu tekið með sér bolla eða könnu til að drekka kakóið úr.
