526. fundur Hreppsnefndar Tálknafjarðarhrepps verður haldinn að Strandgötu 38, þriðjudaginn 19.júní 2018 og hefst kl. 17:00.
Dagskrá:
1. Samþykkt um stjórn Tálknafjarðarhrepps
2. Skipað í nefndir Tálknafjarðarhrepps
3. Upplýsingagjöf oddvita
Bjarnveig Guðbrandsdóttir,
Oddviti Tálknafjarðarhrepps
Má bjóða þér að horfa á leikinn Ísland – Argentína með forseta Íslands, Guðna Th. Jóhannessyni og öðrum þjóðhátíðargestum?
Forsetinn verður á Þjóðhátíð á Hrafnseyri 16. júní (ekki 17.) og horfir þar á leikinn með öðrum þjóðhátíðargestum. Allir eru hjartanlega velkomnir.
Hátíðarhöld í tilefni þjóðhátíðardagsins á Hrafnseyri verða með óvenjulegu og spennandi sniði að þessu sinni. Forseti Íslands, Guðni Th. Jóhannesson tekur þátt í þjóðhátíðardagskránni á Hrafnseyri, heldur hátíðarræðu og fylgist með leik Íslands og Argentínu í stóru hátíðartjaldi ásamt gestum.
Þjóðhátíðardagskráin á Hrafnseyri, sem venjulega fer fram á afmælisdegi Jóns Sigurðssonar þann 17. júní, er nú færð fram um einn dag til laugardagsins 16. júní (sjá dagskrá á www.hrafnseyri.is ). Hátíðarhöldin hefjast kl. 11:00 um morguninn með guðþjónustu. Að henni lokinni mun forseti Íslands. herra Guðni Th. Jóhannesson flytja hátíðarræðu. Á eftir ræðu forseta Íslands, verður frumflutt tónverkið „Blakta“ eftir ísfirska tónskáldið Halldór Smárason. Síðan mun sr. Geir Waage í Reykholti segja frá æskuminningum sínum frá Hrafnseyri.
Eins og kunnugt er fer fyrsti leikur Íslands í heimsmeistarakeppninni fram þennan dag og hefst hann kl. 13:00. Komið verður upp glæsilegu hátíðartjaldi á Hrafnseyri ásamt stórum skjám og góðri aðstöðu þar sem forseti og gestir fylgjast með leiknum.
Dagskránni lýkur svo með útskriftarhátíð nemenda frá Háskólasetri Vestfjarða. Súpa og kaffiveitingar eru til sölu á meðan hátíð stendur. Allir hjartanlega velkomnir og eru Vestfirðingar og aðrir hvattir til þess að mæta.
Umhverfisstofnun hefur unnið tillögu að breytingu á starfsleyfi fyrir Arctic Sea Farm hf. vegna laxeldis í Patreks- og Tálknafirði. Um er að ræða breytingu á staðsetningu eldissvæðis fyrirtækisins í Patreksfirði, viðauki I og II.
Umhverfisstofnun telur að mengun verði aðallega í formi lífræns úrgangs (bæði í föstu og uppleystu formi) frá eldinu og muni berast í viðtakann. Að mati stofnunarinnar eru áhrif mengunarinnar afturkræf og munu því ekki hafa varanleg áhrif á umhverfið. Eldið er kynslóðaskipt og svæði hvíld á milli kynslóða þannig að botninn jafni sig á milli. Breyting á eldissvæði mun ekki breyta afstöðu Umhverfisstofnunar hvað varðar lífrænt álag enda munu kröfur um vöktun í starfleyfi haldast óbreyttar. Er það einnig mat stofnunarinnar að breytingin væri ekki líkleg til að auka á lífrænt álag í firðinum heldur sé hún til þess fallin að draga úr neikvæðum umhverfisaðstæðum.
Tillagan ásamt umsókn rekstraraðila verður aðgengileg hjá sveitarstjórn Vesturbyggðar og Tálknafjarðarhrepps á tímabilinu 7. júní – 9. júlí 2018.
Athugasemdir við tillöguna skulu vera skriflegar og sendar Umhverfisstofnun. Frestur til að skila inn athugasemdum er til 9. júlí 2018.
Tillöguna ásamt gögnum má finna hér að neðan.
Umhverfisstofnun hefur unnið tillögu að breytingu á starfsleyfi fyrir Fjarðalax ehf. vegna laxeldis í Patreks- og Tálknafirði. Um er að ræða breytingu á staðsetningu eldissvæðis fyrirtækisins í Patreksfirði, viðauki I og II.
Umhverfisstofnun telur að mengun verði aðallega í formi lífræns úrgangs (bæði í föstu og uppleystu formi) frá eldinu og muni berast í viðtakann. Að mati stofnunarinnar eru áhrif mengunarinnar afturkræf og munu því ekki hafa varanlega áhrif á umhverfið. Eldið er kynslóðaskipt og svæði hvíld á milli kynslóða þannig að botninn jafni sig á milli. Breyting á eldissvæði mun ekki breyta afstöðu Umhverfisstofnunar hvað varðar lífrænt álag enda munu kröfur um vöktun í starfleyfi haldast óbreyttar. Er það einnig mat stofnunarinnar að breytingin væri ekki líkleg til að auka á lífrænt álag í firðinum heldur sé hún til þess fallin að draga úr neikvæðum umhverfisaðstæðum.
Tillagan ásamt umsókn rekstraraðila verður aðgengileg hjá sveitarstjórn Vesturbyggðar og Tálknafjarðarhrepps á tímabilinu 7. júní – 9. júlí 2018.
Athugasemdir við tillöguna skulu vera skriflegar og sendar Umhverfisstofnun. Frestur til að skila inn athugasemdum er til 9. júlí 2018.
Tillöguna ásamt gögnum má finna hér að neðan.
Nú er verið að ljúka við tenginu á opnu bókhaldi hjá Tálknafjarðarhrepp. Með því geta íbúar séð hvernig tekjur skiptast og hvernig þeim er ráðstafað.
Meðfylgjandi er dæmi um birtingu gagna, tekið skal fram að gögn sem hér birtast miðast við afmarkað tímasvið og því eru t.d umfang lánadrottna ekki að gefa rétta mynd á ársgrunni.
Tálknafjörður - Opið bókhald (.pdf)
Indriði Indriðason, sveitarstjóri
Vestfjarðavegur um Dynjandisheiði og Bíldudalsvegur frá Bíldudalsflugvelli að Vestfjarðavegi á Dynjandisheiði.
Mat á umhverfisáhrifum - tillaga að matsáætlun í kynningu.
Fyrirhugað er að endurbyggja Vestfjarðaveg (60) um Dynjandisheiði, á kafla sem nær frá Hörgsnesi í Vatnsfirði, langleiðina að Mjólkárvirkjun í Borgarfirði. Einnig er fyrirhugað að endurbyggja Bíldudalsveg (63) á kafla sem nær frá Bíldudalsflugvelli á Hvassnesi að Vestfjarðavegi í Helluskarði á Dynjandisheiði. Framkvæmdin er í tveimur sveitarfélögum, Vesturbyggð og Ísafjarðarbæ. Markmið framkvæmdarinnar er að bæta samgöngur milli sunnan- og norðanverðra Vestfjarða. Hún ásamt Dýrafjarðargöngum er lokahnykkurinn við gerð heilsárshringvegar um Vestfirði.
Kynningarfundir
Vegagerðin hefur lagt fram tillögu að matsáætlun vegna mats á umhverfisáhrifum framkvæmdarinnar og mun halda kynningarfundi um hana á eftirtöldum stöðum:
- Mánudaginn 11. júní í Edinborgarhúsinu á Ísafirði kl. 17:00.
- Þriðjudaginn 12. júní í Félagsheimili Patreksfjarðar á Patreksfirði kl. 17:00.
Allir eru velkomnir
Frestur til athugasemda er til 15. júní 2018.
Tillaga að matsáætlun og fylgiskjöl eru aðgengileg á heimasíðu Vegagerðarinnar og á heimasíðu Skipulagsstofnunar.
Einnig má nálgast tillöguna hjá Skipulagsstofnun. Allir geta kynnt sér tillöguna og lagt fram athugasemdir.
Athugasemdir skulu vera skriflegar og berast eigi síðar en 15. júní 2018 til Skipulagsstofnunar bréfleiðis eða með tölvupósti á skipulag@skipulag.is.
