Vaskir Pollvinir ætla að taka til hendinni. Pollurinn verður því lokaður laugardaginn 28. apr kl 10-18 og sunnudag 29. apr. kl 10-18. Allir velkomnir að hjálpa til eða koma með kaffi og kruðerý og skemmta Pollverjum. 
 
Allt fyrir okkar heilsulind.
      Félag Pollvina

Mánudaginn 30.apríl ætlum við að hittast við kirkjuna og hreinsa aðeins til á göngustígum og í kringum kirkjuna. Við ætlum að hittast klukka 19:30 og vera til ca 22:00. Það verða verkfæri á staðnum bara koma með hanska og góða skapið. Margar hendur vinna létt verk, vonandi sjáum við sem flesta til að fegra í kringum kirkjuna okkar.
 

Kveðja sóknarnefnd.

Útskriftarhátíð Fjölbrautaskóla Snæfellinga verður haldin föstudaginn 25. maí  í hátíðarsal skólans í Grundarfirði.

Hátíðin hefst kl.15:00 og að henni lokinni verða kaffiveitingar í boði skólans.
 

Allir velunnarar skólans eru velkomnir.

Skólameistari

521. fundur Hreppsnefndar Tálknafjarðarhrepps verður haldinn að Strandgötu 38,
10. apríl 2018 og hefst kl. 17:00.

Sjá fundarboð hér (.pdf)

Sveitarstjóri

Aðalfundur þjóðbúningafélagsins Auðar á sunnanverðum Vestfjörðum.

Haldinn sunnudaginn 8.apríl 2018 á Hópinu Tálknafirði kl. 14:00.

Dagskrá:

1. Venjuleg aðalfundastörf
    Skýrsla stjórnar
    Skýrsla gjaldkera
2. Kosning stjórnar
    Kosning gjaldkera
3. Starfið framundan
    Námskeið
    Starfssemi félagsins
    Þjóðbúningadagar s.s. Sumardagurinni fyrsti, sjómannadagurinn, 17.júní
4. Önnur mál

Allir innilega velkomnir og gaman væri að mæta í þjóðbúningum. Kaffi og rjúkandi nýkar vöfflur í boði.

Minjasafn Egils Ólafssonar að Hnjóti auglýsir eftir fólki til starfa á safninu sumarið 2018.
 
Helstu verkefni starffólks eru leiðsagnir um safnið, afgreiðsla í kaffiteríu, almenn þrif og önnur tilfallandi verkefni.

Við leitum að jákvæðum, þjónustulunduðum, skipulögðum og snyrtilegum einstaklingum með hæfni í mannlegum samskiptum. Gott vald á íslensku og ensku er skilyrði og frekari tungumálakunnátta er kostur.

Frítt húsnæði er í boði fyrir starfsfólk í 5 km fjarlægð frá safninu. Eigið farartæki er kostur.

Frábært tækifæri fyrir nema eða annað áhugafólk um sögu, menningu og náttúru sunnanverðra Vestfjarða.
 

Atvinnuumsókn með ferilskrá sendist fyrir 10. apríl á netfangið museum@hnjotur.is

Frekari upplýsingar um starfið gefur Óskar Leifur Arnarsson í síma 456-1511 eða á museum@hnjotur.is.