Vegna breytinga og endurbóta á ekjubrú ferjunnar  í Stykkishólmi verða felldar niður 3 ferðir  í áætlun skipsins,  Stykkishólmur – Flatey – Brjánslækur, sem hér segir .: mánudagur 20. apríl , þriðjudagur 21. apríl  og miðvikudagur 22 apríl.
 

Kyrrðarstund verður í Tálknafjarðarkirkju klukkan hálf níu í kvöld fimmtudaginn 16.apríl.
 

Allir velkomnir.

Sóknarprestur

Laus eru störf sundlaugarvarða í Íþróttahúsi Tálknafjarðar, ásamt starfi starfsmanns á tjaldsvæði.

Um er að ræða starfshlutföll sem eru 100% og felst það  í afgreiðslu, gæslu og vörslu með íþróttasal, tækjasal, sundlaug, klefagæslu og þrif annars vegar og hins vegar þrifum og innheimtu á tjaldsvæði.
 

Viðkomandi þarf að vera kurteis og lipur í mannlegum samskiptum, duglegur og tilbúinn til að takast á við margvísleg verkefni, þá er skylt að afla upplýsinga úr sakaskrá skv. 4.mgr. 10.gr. æskulýðslaga nr.70/2007, benda má á að eyðublöð til útfyllingar þar að lútandi má finna inn á heimasíðu Tálknafjarðar: talknafjordur.is æskilegt að viðkomandi tali auk íslensku amk. eitt  tungumál að auki.
 

Unnið er á dag, kvöld- og helgarvöktum.
 

Laun eru samkvæmt kjarasamningi FOV-VEST  og Launanefndar sveitarfélaga.
 

Umsækjendur skulu vera orðnir 18 ára.

Nánari upplýsingar gefur Indriði Indriðason sveitarstjóri í síma 456-2539

netfang sveitastjori@talknafjordur.is

Umsóknarfrestur er til 20. apríl 2015.

sveitarstjóri
 

Opnunartími íþróttahúss og sundlaugar um Páska.

Skírdagur opið                 Kl. 10:00-14:00                 
Föstudagurinn langi        Lokað
Laugardagur   opið          Kl. 10:00 – 14:00
Páskadagur                     Lokað
Annar í páskum opið        Kl. 10:00 – 14:00

482. fundur Hreppsnefndar Tálknafjarðarhrepps verður haldinn að Miðtúni 1, Tálknafirði, þriðjudaginn 17. mars 2015 og hefst kl. 17:00.

Sjá fundarboð hér (.pdf)
  
              Sveitarstjóri

Ljósmynd: Ásgeir Jónsson

Snjóflóðið sem féll úr Geitárhorni í fyrrakvöld hefur verið í fréttum að undanförnu. Umrætt flóð sem sem féll er nokkuð stórt miðað við það sem komið hefur úr Geitárhorni áður. Þó var stærð þess ekki það mikil að einhver hætta gæti skapast.
 

Neðangreind frétt er tekin af veður.is  
    

Snjóflóð féll í gærkvöld úr Geitárhorni á Tálknafirði. Það náði niður að skógrækt. Seinnipartinn í gær var mjög slæmt veður á svæðinu með snjókomu og skafrenningi. Ofankoman stóð þó fremur stutt yfir og ekki mældist mikil úrkoma á Tálknafirði, eða 4 mm. Við tók hvöss suðlæg átt með skafrenningi til fjalla.
 

Snjóflóðavakt Veðurstofunnar fylgdist grannt með þróun mála og veðrinu í gær. Ekki var gefið út óvissustig fyrir sunnanverða Vestfirði sökum þess hversu stutt var búist við að versta veðrið stæði, og sunnanátt er talin hreinsa úr þeim fjöllum sem helst þarf að fylgjast með ofan við byggð, þar á meðal Geitárhorninu á Tálknafirði og fjallinu ofan Patreksfjarðar. Einnig var eldri snjór talinn orðinn nokkuð stöðugur samkvæmt niðurstöðum prófana. Óvissustigi er lýst yfir ef staðan er metin þannig að hætta geti skapast í byggð ef veðurspá gengur eftir. Óvissustigi er ekki lýst yfir þótt búist sé við flóðum sem geti náð niður á vegi eða minni flóðum ofan byggðar.
 

Flóðið úr Geitárhorni er talið hafa fallið í nýja snjónum sem safnaðist í fjallið í gær. Það hefur líklega fallið um það bil sem úrkoman hætti í gærkvöldi, hugsanlega þegar hlýnaði aðeins, en þekkt er að hlýnun getur komið flóðum af stað þótt hiti fari ekki yfir frostmark í upptökum. Flóðið fór óvenjulangt á þessum stað sem kom heldur á óvart miðað við aðstæður en það stöðvaðist þó vel ofan byggðar og ógnaði henni ekki. Það var blautt þar sem það kom niður og hefur líklega farið frekar hægt yfir.
 

Sveitarstjóri