Innritun eldri nemenda (fæddir 1997 eða fyrr) sem eru ekki í framhaldsskóla sem stendur eða ætla að skipta um skóla hefst miðvikudaginn 4. apríl og lýkur föstudaginn 31. maí.
 

Nemendur í 10. bekk hafa frest til sækja um nám í framhaldsskóla eða breyta umsóknum úr forinnritun til miðnættis þriðjudaginn 10. júní.
 

Innritun fer fram á www.menntagatt.is

Fjar- og dreifnám 

Innritun í fjar- og dreifnám fer fram samkvæmt fyrirkomulagi sem einstakir framhaldsskólar auglýsa.
 

Allar nánari upplýsingar eru veittar í síma 4308400 eða með því að senda tölvupóst fsn@fsn.is

Í haust 2014 er fyrirhugað að bjóða uppá nám til skipstjórnarréttinda við Menntaskólann á Ísafirði í samstarfi við Fræðslumiðstöð Vestfjarða (A stig 24 metra). Gert er ráð fyrir að námið vari 3 annir í dreifnámi og ljúki í desember 2015.

Einstaklingar sem náð hafa 25 ára aldri og hafa starfað samanlagt í 1125 daga á sjó eiga möguleika á því að fara í gegnum svokallað raunfærnimat sem hugsanlega getur fækkað þeim áföngum sem þeir þurfa að taka.  Þeim sem ekki uppfylla þessi skilyrði er frjálst að stunda námið eins og annað almennt framhaldsskólanám.

Kjörstjórn Tálknafjarðarhrepps auglýsir hér með að fyrirkomulag kosninga til sveitarstjórnar í Tálknafjarðarhreppi þann 31. maí 2014 eru óbundnar kosningar/persónukosningar þar sem allir kjósendur eru í kjöri. Undantekning frá því eru eftirtaldir fjórir aðilar sem hafa tekið fram að þeir gefa ekki kost á sér til setu í sveitarstjórn þar sem þeir hafa setið að minnsta kosti eitt kjörtímabil og geta því samkvæmt 2. mgr. 18 gr. laga nr. 5/1998 skorast undan endurkjöri.
 

Aðilar þessir eru:

         Birna Benediktsdóttir, Móatúni 3, Tálknafirði

         Björgvin Smári Haraldsson, Túngötu 29, Tálknafirði

         Eyrún Ingibjörg Sigþórsdóttir, Miðtúni 18, Tálknafirði

         Heiðar Ingi Jóhannsson, Túngötu 13, Tálknafirði

Allir aðrir kjósendur með lögheimili í Tálknafirði á aldrinum 18 ára til 65 ára eru skyldugir til að taka sæti í sveitarstjórn nái þeir kjöri.

Kjörstaður og tímasetning verður nánar auglýst síðar.

                                      Kjörstjórn Tálknafjarðarhrepps

Náttúrustofa Vestfjarða óskar eftir að ráða skrifstofustjóra

Starfssvið: Bókhald, áætlanagerð og umsjón skrifstofu Náttúrustofunnar. Starfshlutfall 50% eða eftir samkomulagi.
Starfsstöðvar Náttúrustofu Vestfjarða eru á Bíldudal, Bolungarvík og á Hólmavík.
 
Frekari upplýsingar hjá Þorleifi Eiríkssyni forstöðumanni í síma 456 7005 eða 892 6005, netfang: the@nave.is.

Umsóknir skulu sendar til Náttúrustofu Vestfjarða, Aðalstræti 21, 415 Bolungarvík.
Umsóknarfrestur er til 21. maí 2014

467. fundur Sveitarstjórnar Tálknafjarðarhrepps verður haldinn að Miðtúni 1 Tálknafirði, þriðjudaginn 13. maí og hefst kl 17:00.

 
Sjá fundarboð hér (.pdf)

Laus eru störf sundlaugarvarða í Íþróttahúsi Tálknafjarðar, ásamt starfi starfsmanns á tjaldsvæði.

Um er að ræða starfshlutföll sem eru 100% og felst það  í afgreiðslu, gæslu og vörslu með íþróttasal, sundlaug, klefagæslu og þrif annars vegar og hins vegar þrifum og innheimtu á tjaldsvæði.
 

Viðkomandi þarf að vera kurteis og lipur í mannlegum samskiptum, duglegur og tilbúinn til að takast á við margvísleg verkefni, þá er skylt að afla upplýsinga úr sakaskrá skv. 4.mgr. 10.gr. æskulýðslaga nr.70/2007, benda má á að eyðublöð til útfyllingar þar að lútandi má finna inn á heimasíðu Tálknafjarðar: talknafjordur.is

Æskilegt er að viðkomandi hafi lokið skyndihjálparprófi frá viðurkenndum aðila, slíkt próf má ekki vera eldra en tveggja ára, einnig er æskilegt að viðkomandi tali auk íslensku amk. eitt  tungumál að auki.

Unnið er á dag, kvöld- og helgarvöktum.

Laun eru samkvæmt kjarasamningi FOV-VEST  og Launanefndar sveitarfélaga.

Umsækjendur skulu vera orðnir 18 ára.

Áhugasamir hafi samband við Pálínu Kristínu í síma 456-2639, netfang sundlaug@talknafjordur.is

eða   Indriða Indriðason í síma 456-2539, netfang sveitastjori@talknafjordur.is

Umsóknarfrestur er til 23. maí 2014.

Pálína Kr. Hermanns.

Umsjónarmaður Íþróttarhúss og tjaldsvæðis.