Stafrænt dreifikerfi RÚV verður tekið í notkun í áföngum á árinu 2014. Nú er komið að Ísafirði 401, Patreksfirði 450 og 451, Tálknafirði 460 og Bíldudal 465. 1. febrúar verður skipt yfir í stafrænar útsendingar. Ef þú býrð á þessum stöðum, ert ekki með myndlykil og notar loftnet er ráðlegt að fara inn á eftirfarandi vefsíður til að fá nánari upplýsingar: www.ruv.is/stafraent, www.vodafone.is/sjonvarp/ruv eða www.sart.is, eða hringja í þjónustuver Vodafone í síma 1414.
 

Stafræn tækni hefur rutt sér til rúms á fjölmörgum sviðum mannlífsins á síðastliðnum árum. Hljómplötur og plötuspilarar eru löngu horfin úr almenningseign og hljómsnældur og segulbönd heyra sögunni til. Nýrri fyrirbæri eins og DVD, VOD og minnislyklar hafa komið í staðinn.
 

Um allan heim er verið að leggja niður hliðrænt dreifikerfi sjónvarps. Það hefur þegar verið gert í nágrannalöndum okkar og verður gert í áföngum á þessu ári hjá RÚV. Góðu fréttirnar eru að með stafrænum útsendingum aukast myndgæðin til muna.

Skrifstofa Tálknafjarðarhrepps er lokuð föstudaginn 10. janúar.

Hægt er að ná í sveitarstjóra í síma 861-3359.

Sveitarstjóri

Sendum hugheilar jóla- og nýárskveðjur til íbúa Tálknafjarðarhrepps og annarra Vestfirðinga, nær og fjær.
 

Með kærri þökk fyrir árið sem er að líða.
 

Sveitarstjórn og starfsfólk Tálknafjarðarhrepps

Skrifstofa Tálknafjarðarhrepps verður lokuð dagana 23. desember til 31. desember.

Ef erindið er brýnt er bent á síma sveitarstjóra 861-3359 eða netfangið talknafjordur@talknafjordur.is

Útskriftarhátíð Fjölbrautaskóla Snæfellinga verður haldin föstudaginn 20. desember í  hátíðarsal skólans í Grundarfirði. Hátíðin hefst kl.15:00 og að henni lokinni verða kaffiveitingar í boði skólans.

Allir velunnarar skólans eru velkomnir.

Skólameistari

Sameiginlegir jólatónleikar, Karlakórsins Vestra, Kirkjukórs Patreksfjarðarkirkju og Kirkjukór Tálknafjarðar- og Bíldudalskirkju fara fram í Tálknafjarðarkirkju laugardaginn 14. desember nk. og hefjast kl. 17.00.

Þá verður einnig dúett- og kvartett söngur.

Við hvetjum íbúa og gesti sunnanverðra Vestfjarða að mæta á tónleikana þar sem allur ágóði mun renna til Krabbameinsfélags Vesturbyggðar og Tálknafjarðar. Frjáls framlög eru vel þegin.
 
Aðgangseyrir er 1.500 kr. fyrir 12 ára og eldri. Aðgangseyrir greiðist með peningum, posi ekki á staðnum.
 

Stjórnendur : Maria Jolanta Kowalczyk
Marion Gisela Worthmann
Píanóleikari : Elzbieta Anna Kowalczyk
Kynnir : sr. María Guðrún Gunnlaugsdóttir