Á fundi sveitarstjórnar Tálknafjarðarhrepps, þann 11 desember var samþykkt fjárhagsáætlun Tálknafjarðarhrepps fyrir árið 2014. Einnig var samþykkt fjárhagsáætlun fyrir árin 2015 til 2017.
Meðfylgjandi er greinargerð sveitarstjóra.
Fjárhagsáætlun 2014-2017 (.pdf)
Greinargerð með fjárhagsáætlun 2014-2017 (.pdf)
Laugardaginn 15.des. kl. 12.00 verður kveikt á jólaljósum á jólatréinu við Lækjartorg. Jólasveinar mæta á svæðið og gefa börnunum góðgæti. Á eftir er opið hús í Vindheimum og þar verður boðið upp á kaffi og heitt súkkulaði ásamt smákökum. Húsið verður til sýnis og forstöðumenn þess taka á móti gestum. Allir íbúar eru velkomnir.
Sveitarstjóri
462. fundur Hreppsnefndar Tálknafjarðarhrepps verður haldinn að Miðtúni 1, Tálknafirði, miðvikudaginn 11. desmber 2013 og hefst kl. 17:00.
Sveitarstjóri
Vegna útfarar Einars Guðmundssonar á Seftjörn sem verður á Brjánslæk laugardaginn 14. Desember, verður aukaferð á ferjunni Baldri þann dag.
Siglt verður sem hér segir.
Frá Stykkishólmi kl 10:00
Frá Brjánslæk kl 17:00
Pantanir fyrir bíla í síma: 433 2254
Starfsfólk Sæferða
Breytingar í Norður Botni og Hálfdán.
Hreppsnefnd Tálknafjarðarhrepps samþykkti á fundi sínum 16. nóvember 2013 að auglýsa tillögu að breytingu á Aðalskipulagi Tálknafjarðarhrepps samkvæmt 1. mgr. 36. gr. skipulagslaga nr. 123/2010 og umhverfisskýrslu, skv. 7. gr. laga um umhverfismat áætlana nr. 105/2006.
Breytingin tekur á eftirfarandi þáttum; Í fyrsta lagi er nýtt efnistökusvæði á Hálfdáni við Bíldudalsveg nr. 63. Í öðru lagi fjögur ný iðnaðarsvæði eitt fyrir 25-40 KW smávirkjun í Keldá, 2 borholur og fiskeldi. Í þriðja lagi stækkun á iðnaðarsvæði I3 þar sem gert er ráð fyrir fiskeldi. Áætlað er að ársframleiðsla fiskeldis í Norður-Botni verði um 400 t.
Tillagan var kynnt á opnu húsi 19 september 2013. Breytingartillagan ásamt umhverfisskýrslu verður til sýnis á skrifstofu Tálknafjarðarhrepps að Miðtúni 1 frá og með mánudeginum 9. desember nk. til 24. janúar 2014 og hjá Skipulagsstofnun á Laugavegi 166 í Reykjavík. Tillagan er einnig til sýnis á heimasíðu Tálknafjarðarhrepps, www.talknafjordur.is.
Þeim sem telja sig eiga hagsmuna að gæta er hér með gefinn kostur á að gera athugasemdir við breytingartillöguna til 24. janúar 2014.
Skila skal athugasemdum á skrifstofu Tálknafjarðarhrepps, Miðtún 1, 460 Tálknafirði.
Skipulagsfulltrúi Tálknafjarðarhrepps
Deiliskipulagstillaga -Virkjun Kelduár.
Hreppsnefnd Tálknafjarðarhrepps samþykkti á fundi sínum 16. nóvember 2013 að auglýsa deiliskipulagstillögu um virkjun Kelduár skv. 1. mgr. 41. gr. skipulagslaga nr. 123/.
Deiliskipulagið tekur til neðsta hluta Kelduár og næsta umhverfis í landi Eysteinseyrar og Norður-Botns. Gert er ráð fyrir að virkja rennsli Kelduár til raforkuframleiðslu. Að auki er gert ráð fyrir möguleika á að hægt sé að nýta umframvatn í fiskeldi í landi Norður-Botns, sem er utan skipulagssvæðisins.
Deiliskipulag Norður Botn.
Hreppsnefnd Tálknafjarðarhrepps samþykkti á fundi sínum 16. nóvember 2013 að auglýsa deiliskipulagstillögu um virkjun Kelduár skv. 1. mgr. 41. gr. skipulagslaga nr. 123/ og umhverfisskýrslu, skv. 7. gr. laga um umhverfismat áætlana nr. 105/2006.
Deiliskipulagið tekur til þess hluta jarðarinnar Norður-Botns í Tálknafirði sem ætlað er fyrir fiskeldi og framkvæmdir því tengdu. Skipulagsvæðið liggur næst ströndinni og um láglendi í Botnsdal.
Gert er ráð fyrir að nýta áfram þau mannvirki sem eru til staðar til að byggja upp nýja fiskeldisstöð. Eldisstöðin verður öll staðsett á landi, á heimatúninu þar sem núverandi stöð er staðsett og á Keldeyri. Auk þess verða núverandi eldistjarnir áfram nýttar. Gert er ráð fyrir að nýta jarðvarmann á jörðinni til starfseminnar.
Deiliskipulagstillögurnar ásamt umhverfisskýrslu verða til sýnis á skrifstofu Tálknafjarðarhrepps að Miðtúni 1 frá og með fimmtudeginum 9. desember nk. til 24. janúar 2014 og hjá Skipulagsstofnun á Laugavegi 166 í Reykjavík. Tillagan er einnig til sýnis á heimasíðu Tálknafjarðarhrepps, www.talknafjordur.is.
Þeim sem telja sig eiga hagsmuna að gæta er hér með gefinn kostur á að gera athugasemdir við deiliskiplögin til 16. janúar 2014.
Skila skal athugasemdum á skrifstofu Tálknafjarðarhrepps, Miðtún 1, 460 Tálknafirði.
Skipulagsfulltrúi Tálknafjarðarhrepps
Óskar Örn Gunnarsson
Auglýsing: Tillaga að breytingu á Aðalskipulagi Tálknafjarðarhrepps 2006-2018 (.pdf)
Deiliskipulagstillaga. Norður Botn. Greinargerð og umhverfisskýrsla (.pdf)
Deiliskipulagstillaga. Norður Botn. Uppdráttur 1 (.pdf)
Deiliskipulagstillaga Norður Botn. Uppdráttur 2 (.pdf)
Deiliskipulagstillaga. Virkjun Kelduár. Greinargerð (.pdf)
Aðalskipulagsbreyting. Breytingar í Norður–Botni. Greinargerð og umhverfisskýrsla (.pdf)
Aðalskipulagsbreyting. Breyting á iðnaðarsvæðum í Norður‐Botni . Uppdráttur (.pdf)
Vakin er athygli á að tilkynningar um breytingar á lögheimili þurfa að berast eigi síðar en föstudaginn 6. desember svo unnt sé að tryggja að einstaklingar séu rétt skráðir í íbúaskrá miðað við 1. desember þessa árs.
Breytingu á lögheimili skal tilkynna til Þjóðskrár Íslands með netskilum innan 7 daga frá flutningi eða til skrifstofu þess sveitarfélags sem flutt er til.
Athygli er vakin á því að einstaklingar geta tilkynnt flutning í gegnum vefform á vef Þjóðskrár Íslands, skra.is.
