Vesturbyggð og Tálknafjarðarhreppur auglýsa hér með eftir tómstundafulltrúa í 100% starf á sunnanverðum Vestfjörðum. Leitað er að metnaðarfullum einstaklingi til að halda uppi góðu og faglegu starfi í tómstundamálum fyrir alla aldurshópa.
Sjá nánar á heimasíðu Vesturbyggðar.
Aukferð verður með Baldri á morgun, miðvikudaginn 1. febrúar 2023.
Frá Stykkishólmi kl. 9:00
Frá Brjánslæk kl. 12:00
Seinni ferð dagsins skv. áætlun
Frá Stykkishólmi kl. 15:00
Frá Brjánslæk kl. 18:00
Mikilvægt er að bóka í ferðir Baldurs til að tryggja pláss.
Sæferðir
Skipulagslýsing vegna breytingar á aðalskipulagi Tálknafjarðarhrepp 2006-2018 fyrir svæði I2-Gileyri skv. 30. gr.skipulagslaga nr. 123/2010 og lögum um umhverfismat áætlana 105/2006
Sveitarfélagið Tálknafjörður hyggst vinna breytingu á Aðalskipulagi Tálknafjarðar 2006-2018. Fyrirhuguð skipulagsbreyting tekur til þess hluta gildandi aðalskipulags sem snýr að seiðaeldi á Gileyri. Samhliða breytingu á aðalskipulagi verður gerð breyting á deiliskipulagi athafnasvæðis seiðaeldis í landi Gileyrar og Eysteinseyrar.
Bæði aðalskipulagsbreytingin og deiliskipulagsbreytingin eru háð lögum um umhverfismat framkvæmda og áætlana nr. 111/2021.
Skipulagslýsingin fyrir báðar breytingar eru settar fram í sameiginlegri greinargerð og verður til sýnis á skrifstofu Tálknafjarðarhrepps Strandgötu 38, 460 Tálknafirði og á heimasíðu sveitarfélagsins www.talknafjordur.is.
Íbúum og hagsmunaaðilum er gefinn kostur á því að leggja fram sjónarmið og ábendingar við við skipulagslýsinguna og skal þeim skilað skriflega á skrifstofu Tálknafjarðarhrepps, Strandgötu 38, 460 Tálknafirði eða á netfangið talknafjordur@talknafjordur.is fyrir 27. febrúar n.k.
SKIPULAGSLÝSINGUNA MÁ SJÁ HÉR: SA26I_lysing-Br_ASK.pdf
Virðingarfyllst,
Óskar Örn Gunnarsson
Skipulagsfulltrúi Tálknafjarðarhrepps
Boðað er til 606. fundar sveitarstjórnar Tálknafjarðarhrepps sem fer fram á skrifstofu sveitarfélagsins að Strandgötu 38, þriðjudaginn 24. janúar 2023 og hefst kl. 17:00.
Sjá fundarboð hér (.pdf)
Ólafur Þór Ólafsson, sveitarstjóri
Baldur mun sigla aukaferðir:
Þriðjudaginn, 17. janúar 2023
Miðvikudaginn, 18. janúar 2023
Fimmtudaginn, 19. janúar 2023
Brottför frá Stykkishólmi 09:00
Brottför frá Brjánslæk 12:00
Seinni ferð dagsins verður svo samkvæmt áætlun.
Brottför frá Stykkishólmi 15:00
Brottför frá Brjánslæk 18:00
Mikilvægt er að bóka í ferðir Baldurs til að tryggja pláss.
Ákveðið hefur verið að loka Hrafnadalsveginum á milli Bugatúns og Túngötu fyrir bílaumferð í nokkra daga. Er þetta gert til að vegurinn nýtist sem sleðabrekka fyrir börn á öllum aldri. Óvíst er hvað lokunin mun standa lengi, en í það minnsta yfir helgina og eitthvað inn á nýja viku eða á meðan aðstæður leyfa. Vonandi nýta sem flest tækifærið og fara út að fara út og renna sér en um leið er fólk hvatt til að fara varlega.
