Vest­ur­byggð og Tálkna­fjörður hafa í samein­ingu óskað eftir tilboðum í sorp­hirðu til næstu fjög­urra ára hið minnsta.

Útboðið nær bæði yfir hirðu og eyðingu á sorpi fyrir sveitarfélögin, ásamt ósk um tilboð í þá þjónustu sem snýr að söfnun á lífrænu sorpi við heimili, móttaka og afsetning á ýmsum efnisflokkum, ásamt aðstöðu til móttöku á söfnunarsvæðum, bæði í þéttbýli og dreifbýli.
 

Um mjög viðamikið verkefni er að ræða þar sem horft verður til þess að Vesturbyggð og Tálknafjörður muni í mun meira mæli en nú er, horfa til endurnýtingar á þeim efnum sem nú skila sér frá íbúum, ásamt því að farið verður í vinnu við að innleiða þá hugmyndafræði að þeir sem menga minna greiða minna.
 

Skilafrestur fyrir tilboð er til 29. júlí kl. 12:00.

Eftirfarandi hlekkur vísar á útboðið: http://utbodsvefur.is/sorphirda-vesturbyggd-og-talknafjordur/

Þessi könnun beinir sjónum að viðhorfum íbúa í Vesturbyggð og Tálknafjarðarhreppi til ferðaþjónustu, fiskeldis og annarra þátta sem hafa áhrif á samfélag íbúa á svæðinu, með það að markmiði að finna lausnir til að efla þátttöku íbúa í skipulagi auðlindanýtingar. Viðhorf þitt er því mjög mikilvægt framlag í þessari könnun. Könnunin samanstendur af 25 spurningum, í sumum þeirra ertu beðin/n að merkja ákveðna staði eða svæði inn á kort. Það tekur að jafnaði um 10-15 mínútur að svara henni.

Tengill á könnunina: https://new.maptionnaire.com/q/4bjk4j9lvz7m

Vegna viðhaldsframkvæmda við vatnsveitu má búast við því að vatnslaust verði í hluta byggðarinnar við Tálknafjörð föstudaginn 25. júní 2021 milli kl. 08:00 að morgni og fram undir hádegi. Þetta á við um hafnarsvæðið auk þeirra húsa sem eru við Strandgötu innan við Tunguá. Beðist er velvirðingar á þeim óþægindum sem þetta kann að valda.

Fimmtudaginn 24. júní klukkan 22:00
verður guðsþjónusta í Stóru-Laugardalskirkju.

Í sumar verður handverksmarkaður á Hlöðuloftinu á Eysteinseyri í Tálknafirði.
 
Opnunardagur er næsta laugardag 19. júní kl. 14 - 16 og í framhaldinu verður opið á þriðjudögum og laugardögum. Þar eru til sölu vörur af svæðinu ásamt handverki.
 
Handverksfólk og aðrir áhugasamir eru hvattir til að hafa samband við Freyju í síma 863-0977.

Sundlaugin á Tálknafirði opnar miðvikudaginn 16. júní klukkan 09:00 eftir að hafa verið lokuð um nokkuð langt skeið vegna framkvæmda.

Sumarið 2021 er sundlaugin opin sem hér segir:

Kl. 09:00 til 21:00 alla daga (nema stórhátíðardaga)

Hætt er að selja ofan í laugina hálftíma fyrir auglýstan lokunartíma.

Gestum vísað upp úr lauginni 15 mínútum fyrir lokun.

Stefnt er að því að geta opnað líkamsræktaraðstöðu eftir nokkra daga og stóri íþróttasalurinn verður tilbúinn fyrir skólabyrjun í haust.

Starfsfólk Íþróttamiðstöðvar Tálknafjarðar