Menningarráð Vestfjarða auglýsir nú eftir umsóknum um styrki í tveimur flokkum á grundvelli samnings mennta- og menningarmálaráðuneytis og iðnaðarráðuneytis við Fjórðungssamband Vestfirðinga vegna ársins 2012. Tilgangur styrkjanna er að efla menningarstarfsemi og menningartengda ferðaþjónustu á Vestfjörðum og eru umsóknir og verkefni hverju sinni borin saman á samkeppnisgrundvelli. 

Jón Örn Pálsson fluttist til Tálknafjarðar árið 2001 gagngert til að vinna við laxeldi. Ekkert var úr áformun en Jón hóf umhverfisrannsóknir til að undirbúa jarðveginn. Með kraft og þrautseigu tókst að fá Fjarðalax á svæðið og hófst laxeldi í Tálknafirði á árinu 2010. Jón Örn er nú svæðisstjóri hjá Fjarðarlaxi á sunnanverðum Vestfjörðum.

Magnús Guðmundsson eigandi Tungusilungs, en myndin er tekin fyrir tæpum 10 árum síðan. Þrátt fyrir 82 ára aldur er maðurinn þekktur fyrir mikinn kraft og dugnað. Magnús er lítilsháttar byrjaður að eldast sem kemur helst fram í því að hann er búinn að fá sér fóðurkerfi. Fram að því hefur hann sveiflað fóðurpokum sem yngri menn hafa ekki leikið eftir.

Fjarlax heldur áfram að fjölga kvíum og auka framleiðsluna. Fyrirhugað er að hefja eldi í Patreksfirði á þessu ári. Verið er að slátra laxi úr kvíum í Tálknafirði og fyrirtækið er einnig með sjókvíaeldi í Arnarfirði.

« 1 af 4 »

Ný útgáfa af Fiskeldisfréttum

Allt frá árinu 2009 hafa Fiskeldisfréttir verið gefnar út og þá sem hluti af Sjávarútvegurinn – vefrit um sjávarútvegsmál.
Í blaðinu má finna skemmtilegt yfirlit um fiskeldi í Tálknafirði.

Steingrímur J. Sigfússon sjávarútvegs- og landbúnaðarráðherra hefur undirritað reglugerð um strandveiðar 2012.  

Nokkrar breytingar eru frá fyrirkomulagi veiðanna í fyrra.  Það helsta er að forsenda þess að viðkomandi bátur fái heimild til strandveiða er að eigandi sé lögskráður á bátinn.  Í reglugerðinni er eftirfarandi útfærsla á eignarhaldsákvæðinu:

„Einungis er heimilt að veita hverri útgerð, eiganda, einstaklingi eða lögaðila, leyfi til strandveiða fyrir eitt fiskiskip. 

Eigandi fiskiskips skal vera lögskráður á skipið. Þegar fiskiskip er í eigu lögaðila er  fullnægjandi ef einn eigenda lögaðilans er lögskráður á skipið. Í umsókn lögaðila um leyfi til strandveiða skulu koma fram upplýsingar um eignarhald á lögaðilanum og þann/þá sem koma til með að vera lögskráðir á fiskiskip.“ 

Reglugerð um strandveiðar.pdf 

 
Tekið af: smabatar.is

Nú í mars fer fram mottukeppni Vesturbyggðar.

Vegleg verðlaun er í boði auk nafnbótarinnar - öflugasta motta Vesturbyggðar - en sigurvegarinn verður krýndur á árshátíð fyrirtækja þann 17. mars.

Hægt er að skrá sig á mottumars.is í liðið Vesturbyggð og styrktu gott málefni.

vesturbyggd.is

Margir vilja láta greina gamla gripi.

Sunnudaginn 4. mars n.k. verður almenningi boðið að koma með gamla gripi til greiningar hjá sérfræðingum Þjóðminjasafns Íslands. Að þessu sinni er fólk sérstaklega beðið að koma með heimasaumuð föt, skartgripi og annað tengt klæðaburði áður fyrr, en sérfræðingar safnsins hafa mikinn áhuga á slíku í tengslum við sýningarnar TÍZKA – kjólar og korselett, þar sem sjá má kjóla frá árunum ca. 1947-1970, og Handaverk frú Magneu Þorkelsdóttur, þar sem er úrval þjóðbúninga úr smiðju Magneu Þorkelsdóttur biskupsfrúar. Að sjálfsögðu er þó einnig velkomið að koma með annars konar gripi af ýmsum toga.

Skráning er hafin í námskeið fyrir foreldra unglinga með ADHD, 13-16 ára.
Námskeiðið er alls 10 tímar og því er skipt á tvo laugardaga og verður haldið laugardagana 10. og 24. mars 2012.

ATH: Skráningu lýkur mánudaginn 5. mars.

Sjá nánar hér.