Samkvæmt 1. mgr. 43. gr. skipulagslaga nr. 123/2010 eru hér auglýstar breytingar á eftirfarandi deiliskipulagstillögum:
 

Breyting á deiliskipulagi Tálknafjarðarhafnar

Breytingin er í nokkrum liðum og fjallar m.a. um breytta aðkomu að hafnarsvæðinu, skilgreindar eru nýjar lóðir og breytingar á lóðamörkum.

    Skipulagsgögn: DH2002_plott_A1-til auglysingar (.pdf)
 

Deiliskipulagstillaga fyrir athafnasvæði fisk- og seiðiseldis í landi Innstu Tungu.

Breytingin fjallar um breytta aðkomu að athafnasvæði Tungusilungs, breytt skipulagsmörk og skilgreining á nýrri vatnslögn.

    Skipulagsgögn: Tungusilungur deiliskipulag 18.okt. 2022 (.pdf)

Tillögurnar verða til sýnis á skrifstofu Tálknafjarðarhrepps að Strandgötu 38 frá og með mánudeginum fra 14. nóvember 2022 til 2. janúar 2023. Þær verða einnig til sýnis á heimasíðu Tálknafjarðarhrepps, www.talknafjordur.is.

Þeim sem telja sig eiga hagsmuna að gæta er hér með gefinn kostur á að gera athugasemdir við til 2. janúar 2023. Skila skal athugasemdum á skrifstofu Tálknafjarðarhrepps, Strandgötu 38, 460 Tálknafirði.

Skipulagsfulltrúi Tálknafjarðarhrepps

Óskar Örn Gunnarsson
 

Veðurspá dagsins er orðin verri en fyrri spár og því neyðumst við til að fella niður ferð dagsins -  kl. 15:00 frá Stykkishólmi og kl. 18:00 frá Brjánslæk.

https://www.saeferdir.is/

Sveitarstjórn Tálknafjarðarhrepps og bæjarstjórn Vesturbyggðar ásamt framkvæmdastjórum sveitarfélaganna og ráðgjöfum frá KPMG á Bíldudal síðasta þriðjudag.

Þriðjudaginn 8. nóvember 2022 hittust bæjastjórn Vesturbyggðar og sveitarstjórn Tálknafjarðarhrepps. Var þessi hittingur í framhaldi af ákvörðun þeirra beggja fyrr á árinu um að hefja óformlegar viðræður um stofnun nýs sveitarfélags á sunnanverðum Vestfjörðum. Farin var skoðunarferð um Bíldudal, Tálknafjörð og Patreksfjörð og tekið samtal um með hvaða hætti viðræður sveitarfélaganna verði skipulagðar. Á næstu vikum verður gengið frá samningi við KPMG vegna ráðgjafar við verkefnið, skipaðir verða fulltrúar í verkefnastjórn og óformlegar viðræður sveitarfélaganna munu halda áfram. Samráð við íbúa er hluti af þeirri vinnu sem fram undan er. Sveitarfélögin eiga margt sameiginlegt og góð samvinna hefur einkennt starfsemi þeirra undanfarin ár. Ljóst er að samgöngumál verða efst á lista yfir áherslu sveitarfélaganna gagnvart ríkisvaldinu í viðræðunum.

Vegna viðgerða  þarf að loka fyrir vatn við Móatún í dag, miðvikudaginn 9. nóvember 2022. Gera má fyrir truflunum frá kl. 11:00 og fram eftir degi. Beðist er velvirðingar á þeim óþægindum sem þetta kann að valda.

 

Boðað er til 601. fundar sveitarstjórnar Tálknafjarðarhrepps sem fer fram á skrifstofu sveitarfélagsins að Strandgötu 38, mánudaginn 7. nóvember 2022 og hefst kl. 17:00.
 

Sjá fundarboð hér (.pdf)
 
Ólafur Þór Ólafsson, sveitarstjóri