Tálknafjordur.is / Fréttir

Íslenska 1a - Patreksfjörður

https://www.frmst.is/nam/Islenska_1a_-_Patreksfjordur/

Pierwsza część 1 stopnia kursu języka islandzkiego oparta jest na programie nauczania zatwierdzonym przez Ministerstwo Edukacji. Kurs przeznaczony jest dla osób, które słabo lub wcale nie mówią po islandzku.

W programie kursu alfabet, wymowa i podstawy gramatyki islandzkiej. Kurs skupia się na prostych wyrażeniach związanych z życiem codziennym. Uczniowie ćwiczą proste zwroty, dialogi oraz wymowę. Kurs dostosowany jest do wymogów grupy uczniów.

Zachęcamy do sprawdzenia swoich uprawnień w związkach zawodowych do refundacji kosztów szkolenia.

First part of level 1 based on the Curriculum of Icelandic for Foreigners published by the Ministry of Education. This seminar is for beginners and those who speak little or no Icelandic.

Students will learn the Icelandic alphabet, the foundation of grammar, pronunciation and vocabulary for daily activities with simple conversations and projects. The seminar is adapted to each group which makes the emphasis for each group a little different.

Do not forget to check the possibilities for grants from your unions and educational funds!

Björgvin Smári Haraldsson | miðvikudagurinn 12. október 2022

Tillaga að endurnýjuðu starfsleyfi Tungusilungs ehf. Tálknafirði

Umhverfisstofnun hefur unnið tillögu að endurnýjuðu starfsleyfi vegna landeldis Tungusilungs ehf. í Tálknafirði. Um er að ræða landeldi á bleikju með hámarks lífamassa allt að 200 tonn og hámark framleiðslu allt að 200 tonnum.

Að mati Umhverfisstofnunar eru helstu áhrif vegna eldisins losun næringarefna, bæði á föstu formi og uppleystu, í viðtakann. Áætluð losun næringarefna verður undir þeim mörkum sem almennt er miðað við varðandi losun í sjó með þeirri hreinsun sem rekstaraðili hyggst notast við. Hægt er að endurskoða fyrirkomulag fráveitu frá eldinu og gera auknar kröfur bendi mælingar til að hreinsun sé ábótavant samkvæmt mælingum.

Athugasemdir við starfsleyfistillöguna skulu vera skriflegar og sendar Umhverfisstofnun (ust@ust.is) merkt UST202107-207, athugasemdir verða birtar við útgáfu nema annars sé óskað.

Frestur til að skila inn athugasemdum er til og með 8. nóvember 2022.
Greinargerð mun fylgja starfsleyfi við útgáfu sbr. 6. gr. reglugerðar nr. 550/2018.

Tengd skjöl:

Björgvin Smári Haraldsson | þriðjudagurinn 11. október 2022

Heilsuefling eldra fólks

Í dag, mánudag þann 10.október munum Ásgerður og Margrét, verkefnastjórar heilsueflingar 60+, koma í heimsókn, vera með kynningu fyrir eldri íbúa og taka fund með íbúum.

Staðsetning: Muggstofa, Strandgötu 7 Bíldual

Fundur hefst kl.17:00

Kynning fyrir eldra fólkið hefst kl.18:00

Þessar upplýsingar setjum við inn á vefinn www.bjartlif.is til að gera upplýsingagjöf á hreyfingu fyrir eldra fólk á öllu landinu sýnilegra og aðgengilegra.

Ef skortur er á upplýsingum úr ykkar sveitarfélagi eða breytingar hafa orðið á núverandi hreyfiúrræðum viljum við biðja ykkur um að senda inn þær upplýsingar: Senda inn framboð á hreyfingu hér

Hlökkum til að sjá sem flesta, kynna fyrir ykkur verkefnið Bjartur lífsstíll og ræða heilsueflingu eldra fólks í ykkar bæjar-/sveitarfélagi.

Fyrir þá sem ekki komast á fundinn þá er velkomið að finna staðgengil í ykkar stað. Auk þess ef það eru fleiri sem eiga heima á fundinum að bjóða þeim að mæta.

Bestu kveðjur,
Margrét og Ásgerður, verkefnastjórar heilsueflingar 60+

Björgvin Smári Haraldsson | mánudagurinn 10. október 2022

Sveitarstjórnarfundur

Boðað er til 599. fundar sveitarstjórnar Tálknafjarðarhrepps sem fer fram á skrifstofu sveitarfélagsins að Strandgötu 38, þriðjudaginn 11. október 2022 og hefst kl. 17:00.

Sjá fundarboð hér (.pdf)

Ólafur Þór Ólafsson, sveitarstjóri

Björgvin Smári Haraldsson | föstudagurinn 7. október 2022

Hvatning um þáttöku í viðhorfskönnun um fiskeldi og samgöngumál

Vestfjarðastofa vill hvetja alla til að taka þátt í viðhorfskönnuninni sem send var í pósti á alla með lögheimili á Vestfjörðum um viðhorf þeirra til fiskeldis og samgöngumála en markmiðið er að fá fram væntingar og viðhorf Vestfirðinga.

Sama könnun var lögð fyrir Vestfirðinga árið 2020 og hafa niðurstöður þeirrar könnunar verið nýttar í hagsmunagæslu fjórðungsins. Til að ná til sem flestra hefur verið farin sú leið að senda bréf til allra og hægt er að fara tvær leiðir til þáttöku. Fara á netslóðina sem fram kemur í bréfinu ásamt lykilorði eða að nota QR kóðann ásamt lykilorði en með þessum hætti er auðvelt að taka þátt í könnuninni.

Til að tryggja jafnræði íbúanna er könnunin á þremur tungumálum; íslensku, ensku og pólsku. Það er rannsóknarmiðstöð Háskólans á Akureyri (RHA) sem sér um framkvæmd könnunarinnar fyrir hönd Vestfjarðastofu.

Með könnuninni gefst öllum íbúum Vestfjarða einstakt tækifæri til að láta skoðun sína í ljós á þessum tveimur málaflokkum sem hafa verið í brennidepli undanfarin ár. Niðurstöður verða meðal annars nýttar í stefnumótun sveitarfélaga og svæðisins alls til hagsbóta fyrir íbúana.

Hlekkur að könnuninni er: https://survey.sogolytics.com/p/vestfjardastofa
Leyniorðið er í bréfinu sem þér hefur borist.
Ef fólki vantar leyniorðið sitt þá er hægt að hafa samband í netfangið: rannveigg@unak.is

Guðrún Anna Finnbogadóttir

Verkefnastjóri Vestfjarðastofu

Björgvin Smári Haraldsson | miðvikudagurinn 5. október 2022

Skipulagsauglýsing

Aðalskipulag

Samkvæmt 1. mgr. 31. gr. skipulagslaga nr. 123/2010 er hér auglýst tillaga að eftirfarandi aðalskipulagsbreytingu:

Breyting á Aðalskipulagi Tálknafjarðarhrepps 2006‐2018 Norður Botn

Breytingin varðar landnotkun svæða í landi Norður-Botns þ.e. iðnaðarsvæði I3 og I11, efnistökusvæði E3 og E6 ásamt þjóðvegi nr. 63, Bíldudalsvegur. Markmið aðalskipulagsbreytingarinnar er að auka framleiðslugetu fiskeldisstöðvarinnar í Norður-Botni og skýra hvar framleiðsla skuli staðsett. Samhliða breytingu aðalskipulagsins er unnin tillaga að breytingu deiliskipulags seiðaeldisstöðvar í landi Norður-Botns.

Breyting á deiliskipulag fyrir Norðurbotn

Samkvæmt 1. mgr. 43. gr. skipulagslaga nr. 123/2010 er hér auglýst tillaga að eftirfarandi breytingu á deiliskipulagi fyrir Norður Botn.

Skipulagssvæðið er stækkað til norðurs út fyrir stórstraumsfjöru. Byggingarmagn á byggingarreit I, Norður-Botn fer úr 8.000 m² í 40.000 m², hámarks ársframleiðsla fer úr 200 tonnum í 2200 tonn. Byggingarmagn á byggingarreit II, Keldeyri fer úr 8.000 m² í 5.000 m², ársframleiðsla er óbreytt 200 tonn.

Tillögurnar verða til sýnis á skrifstofu Tálknafjarðarhrepps að Strandgötu 38 frá og með mánudeginum 3. október til 14. nóvember 2022. Þær verða einnig til sýnis á heimasíðu Tálknafjarðarhrepps, www.talknafjordur.is.

Þeim sem telja sig eiga hagsmuna að gæta er hér með gefinn kostur á að gera athugasemdir við til 14. nóvember 2022.

Skila skal athugasemdum á skrifstofu Tálknafjarðarhrepps, Strandgötu 38, 460 Tálknafirði.

Skipulagsfulltrúi Tálknafjarðarhrepps

Óskar Örn Gunnarsson

Fylgigögn:

Tillaga að Aðalskipulagsbreytingu Norður-Botn – greinargerð
20247-001 Askbr Norður-Botn grg (ID 194819) (.pdf)

Breyting á iðnaðarsvæðum í Norður-Botni – uppdráttur
SA26H-Nordur Botn (.pdf)

Tillaga að breytingu á deiliskipulagi Norður-Botn – greinargerð
16176-002 Dskbr Norður-Botn grg (ID 233511) (.pdf)

Tillaga að breytingu á deiliskipulagi Norður-Botn – skipulagsuppdráttur 1
16176-002 Dskbr Norður-Botn uppdr-1 (ID 182127) (.pdf)

Tillaga að breytingu á deiliskipulagi Norður-Botn – skipulagsuppdráttur 2
16176-002 Dskbr Norður-Botn uppdr-2 (ID 182126) (.pdf)