Boðað er til 580. fundar sveitarstjórnar Tálknafjarðarhrepps fimmtudaginn 11. nóvember 2021. Fundurinn fer fram á skrifstofu Tálknafjarðarhrepps að Strandgötu 38 og hefst kl. 18:00.
Sjá fundarboð hér (.pdf)
Ólafur Þór Ólafsson, sveitarstjóri
Mennta- og menningarsvið Rannís stendur fyrir opnum kynningarfundi á FLAK á Patreksfirði, miðvikudaginn 3. nóvember kl: 17:00.
Markmiðið er að kynna tækifæri sem bjóðast innan evrópskra og norrænna styrkjaáætlana, svo sem Erasmus+, áætlunar ESB fyrir öll skólastig og æskulýðsmál, Creative Europe, kvikmynda- og menningaráætlunar ESB, Nordplus , menntaáætlunar Norrænu ráðherranefndarinnar, og Uppbyggingarsjóðs EES .
Starfsfólk okkar verður svo til taks eftir kynningarnar fyrir þau sem vilja ræða möguleikana í norrænu og evrópsku samstarfi nánar.
Kaffi og léttar veitingar í boði.
Opið hús verður um tillögur breytingu á Aðalskipulagi Tálknafjarðarhrepps 2006-2018 og breytingar á deiliskipulagi Norður Botns.
Opna húsið verður haldið á skrifstofu Tálknafjarðarhrepps að Strandgötu 38, þriðjudaginn 9. nóvember frá kl. 10:00-14:00.
Allir áhugasamir eru hvattir til þess að mæta og kynna sér skipulagið. Tillagan verður síðan auglýst og gefst þá íbúum kostur að koma með skriflegar athugasemdir.
Boðað er til 579. fundar sveitarstjórnar Tálknafjarðarhrepps sem fer fram á skrifstofu sveitarfélagsins að Strandgötu 38, Tálknafirði, þriðjudaginn 26. október 2021 og hefst kl. 18:00.
Um er að ræða aukafund sem er boðaður í samræmi við samþykktir sveitarfélagsins.
Ólafur Þór Ólafsson, sveitarstjóri
í Tálknafjarðarskóla þriðjudaginn 19. október 2021 kl. 17:00.
Tálknafjarðarhreppur vinnur í samstarfi við RR ráðgjöf ehf. að greiningu sameiningarvalkosta. Markmið verkefnisins er að greina styrkleika, veikleika, ógnanir og tækifæri ef til sameiningar sveitarfélagsins kemur. Í því felst jafnframt að greina sameiningarvalkosti. Vegna þessa verkefnis er boðað til íbúafundur þriðjudaginn 19. október 2021 kl. 17:00 í Tálknafjarðarskóla. Á fundinum verður kynning á verkefninu og leitað sjónarmiða íbúa.
Spurt verður hvort Tálknafjarðarhreppur eigi að hefja sameiningarviðræður? Ef svo er, hvaða valkostir ættu að vera í forgangi? Að lokum hver ættu að vera áhersluatriði Tálknafjarðarhrepps í viðræðum?
Gestur fundarins verður Gauti Jóhannesson fyrrverandi sveitarstjóri Djúpavogshrepps og núverandi forseti sveitarstjórnar Múlaþings. Mun hann segja frá reynslu Djúpavogshrepps af því að vinna samfélag og atvinnulíf út úr efnahagsáföllum og þeirra þátttöku í sameiningarviðræðum.
Fundinum verður einnig streymt á Facebooksíðu Tálknafjarðarhrepps.
Á fundinum verður notað rafrænt samráðskerfi svo allir sitji við sama borð, þ.e. þeir sem mæta á fundarstað og þeir sem fylgjast með í streymi. Auk þess verður boðið upp á spurningar og ábendingar úr sal.
Til að taka þátt á menti.com þarf að hafa síma, snjalltæki eða tölvu og fara inn á síðuna menti.com. Slá þar inn töluröð sem gefinn verður upp á fundinum og þá opnast samráðskerfið.
Tálknafjarðarhreppur
Boðað er til 578. fundar sveitarstjórnar Tálknafjarðarhrepps fimmtudaginn 14. október 2021.
Fundurinn fer fram á skrifstofu Tálknafjarðarhrepps að Strandgötu 38 og hefst kl. 18:00.
Sjá fundarboð hér (.pdf)
Ólafur Þór Ólafsson, sveitarstjóri
