Baldur mun sigla aukaferð á miðvikudaginn, 10. mars 2021.
Brottför frá Stykkishólmi 09:00
Brottför frá Brjánslæk 12:00
Ekki er stoppað í Flatey í þessari aukaferð.
Seinni ferð dagsins verður svo samkvæmt áætlun.
Mikilvægt er að bóka í ferðir Baldurs til að tryggja pláss.
Boðað er til 570. fundar Sveitarstjórnar Tálknafjarðarhrepps fimmtudaginn 11. mars 2021.
Fundurinn fer fram á skrifstofu Tálknafjarðarhrepps að Strandgötu 38 og hefst kl. 18:00.
Sjá fundarboð hér (.pdf)
Ólafur Þór Ólafsson, sveitarstjóri
Á fundi byggingar-, skipulags- og umhverfisnefndar þann 9. september 2019 samþykkti nefndin að grenndarkynna lóð og áform við Hrafnadalsveg 1.
Eftirfarandi var bókað:
"Byggingar-, skipulags- og umhverfisnefnd bendir á að ekkert deiliskipulag er í gildi fyrir umrædda lóð og leggur til að heimila grenndarkynningu skv. 2.mgr. 43.gr skipulagslaga nr.123/2010. Lagt er til að erindið verði grenndarkynnt fyrir lóðarhöfum Hrafnadalsvegar nr. 1, Strandgötu 42, 44-46 og 48-50. Kostnaður við grenndarkynningu greiðist af umsækjanda."
Áformin ganga út á að reisa 12x24 metra tjald, vestan núverandi lóðar við Hrafndalsveg 1.
Skipt verður um jarðveg undir tjaldi og núverandi jarðvegur settur upp í mön fyrir ofan og utan tjald.
Einnig verður steyptur veggur undir tjaldbrúnir. Ekki er fyrirhugað að tengja tjaldið við neinar veitur.
Frestur til að skila athugasemdum og ábendingum er 4 vikur, er til og með 5. apríl 2021. Litið verður svo á að þeir sem ekki gera athugasemdir séu samþykkir fyrirhuguðum áformum.
Nánari upplýsingar eru veittar á skrifstofu Tálknafjarðarhrepps eða í síma 450 2500 á opnunartíma skrifstofunnar. Fyrirspurnir má einnig senda á netfangið talknafjordur@talknafjordur.is.
Grenndarkynningargögn:
Lóð fyrir tjald grenndarkynning (.pdf)
Skipulagsfulltrúi Tálknafjarðarhrepps
Óskar Örn Gunnarsson
Baldur mun sigla aukaferð á þriðjudaginn, 9. mars 2021.
Brottför frá Stykkishólmi 09:00
Brottför frá Brjánslæk 12:00
Ekki er stoppað í Flatey í þessari aukaferð.
Seinni ferð dagsins verður svo samkvæmt áætlun.
Mikilvægt er að bóka í ferðir Baldurs til að tryggja pláss.
Markmið Íslensku menntaverðlaunanna er að auka veg menntaumbótastarfs og vekja athygli samfélagsins á metnaðarfullu og vönduðu skóla- og frístundastarfi með börnum og unglingum. Verðlaunin eru veitt í þremur aðalflokkum:
Að auki er veitt hvatning til einstaklings, hóps eða samtaka sem stuðlað hafa að menntaumbótum er þykja skara fram úr.
Sjá nánari upplýsingar um verðlaunin hér.
Skóla- og foreldraráð er starfandi við skólann og er sameinað ráð fyrir leik- og grunnskólastarf. Ráðið hittist annan hvern mánuð og fundar um fyrirfram ákveðin málefni.
Skólaráð er samráðsvettvangur skólasamfélagsins og skólastjóra um skólahaldið. Hlutverk þess er að skapa lýðræðislegan vettvang þar sem raddir allra fulltrúa skólasamfélagsins eiga að heyrast. Þar deila fulltrúarnir upplýsingum og skiptast á skoðunum með það að markmiði að komast að sameiginlegri niðurstöðu um málefni sem varða stefnu skólans og sérkenni hans. Með þessu móti er stuðlað að sameiginlegu eignarhaldi á skólastarfinu. Endanleg ákvörðun er þó ávallt í höndum skólastjóra.
Skóla- og foreldraráð Tálknafjarðarskóla er með sér netfang þar sem hægt er að senda ráðinu ábendingar varðandi skólahaldið.
Netfangið er: skolarad@talknafjardarskoli.is Nánari upplýsingar um ráðið og hverjir starfa í því má finna á heimasíðu skólans: https://talknafjardarskoli.is/?page_id=2088
