Félagshúsið Vindheimar opnar að nýju mánudaginn 24. ágúst 2020.
Opið er á mánudögum og miðvikudögum fyrir eldri borgara (60+). Frá kl. 13:00 - 16:00.
Á þriðjudögum er opið hús fyrir almenning (18 ára og eldri). Frá kl. 11:00 - 16:00.
Í smitvörnum vegna COVID-19 er farið eftir tilmælum Embættis landlæknis og Almannavarnadeil Ríkislögreglustjóra og munum að öll erum við almannavarnir.
Vegna framkvæmda við vatnsveitu verður ytri endi Túngötu, við Hrafnadalsveg lokaður um óakveðin tíma. Beðist er velvirðingar á þeim óþægindum sem þetta kann að valda.
Skólasetning Tálknafjarðarskóla verður haldin 20. ágúst kl. 10:00 í sal skólans.
Allir foreldrar eru boðnir velkomnir á skólasetningu en eru beðnir að fara eftir gildandi sóttvarnarreglum:
Vera með andlitsgrímu og virða 2 metra regluna í samskiptum við aðra.
Eftir skólasetningu eru nemendum og foreldrum boðið í sína skólastofu þar sem nemendur fá afhenta stundatöflu og skóladagatal ásamt því að eiga samtal við umsjónarkennara sinn.
Hlökkum til að taka á móti ykkur.
Starfsfólk Tálknafjarðaskóla
Vegna framkvæmda við vatnsveitu verður ytri endi Móatúns, við Hrafnadalsveg, lokaður um óákveðinn tíma.
Beðist er velvirðingar á þeim óþægindum sem þetta kann að valda.
Tálknafjarðarhreppur auglýsir eftir hressum og kátum einstaklingi til starfa með ungmennum í félagsmiðstöðinni Tunglinu starfsárið 2020-2021. Starfið inniheldur skipulag á allri dagskrá Tunglsins, þar með talið skipulag fjáröflunar og farastjórn í menningarferð (SAMFÉS). Félagsmiðstöðvastarf á sunnanverðum Vestfjörðum er samtvinnað að einhverju leyti og er forstöðumaður Tunglsins í nánu samstarfi við aðra forstöðumenn á svæðinu ásamt íþrótta- og tómstundafulltrúa.
Tunglið hefur verið opið tvisvar sinnum í viku yfir vetrarmánuði í tvo tíma í senn.
Kröfur eru gerðar um að:
Viðkomandi hafi náð 20 ára aldri
Viðkomandi hafi brennandi áhuga á öflugu félagslífi ungmenna á svæðinu
Viðkomandi búi yfir góðri skipulagshæfni og góðri samskiptatækni
Viðkomandi sé með hreina sakaskrá
Umsóknir og/eða ósk um mánari upplýsingar má senda á íþrótta- og tómstundafulltrúa á netfanginu it@vesturbyggd.is.
Boðað er til 559. fundar sveitarstjórnar Tálknafjarðarhrepps sem fer fram fimmtudaginn 13. ágúst 2020 á skrifstofu sveitarfélagsins að Strandgötu 38 og hefst kl. 18:00.
Sjá fundarboð hér (.pdf)
Ólafur Þór Ólafsson, sveitarstjóri
