Boðað er til 561. fundar sveitarstjórnar Tálknarfjarðarhrepps. Fundurinn verður haldinn á skrifstofu sveitarfélagsins að Strandgötu 38 og hefst kl. 18:00 fimmtudaginn 8. október 2020.
Sjá fundarboð hér (.pdf)
Ólafur Þór Ólafsson, sveitarstjóri
Í dag, fimmtudaginn 1. október, verður breyting á áætlun ferjunnar Baldurs. Skipið mun fara frá Stykkishólmi kl. 16:00 og frá Brjánslæk kl. 19:00. Ástæðan eru flutningar á lyftara út í Flatey og þarf að sæta sjávarföllum við það verkefni.
Sigríður Inga Sigurjónsdóttir dýralæknir verður með hunda og kattahreinsun á Tálknafirði í áhaldhúsinu þriðjudaginn 13. október frá kl. 18:00 – 19:00. Ef dýraeigendur þurfa á annarri aðstoð dýralæknis að halda þá eru þeir vinsamlega beðnir um að hringja í Sigríði áður en hún kemur á svæðið í síma 861 4568 milli kl. 10 og 12 virka daga.
Tálknafjarðarhreppur minnir dýraeigendur á að sækja þarf um leyfi og skráningu á hundum og köttum innan þriggja mánaða. Nálgast má samþykktir og gjaldskrár vegna hunda- og katthalds á heimasíðu Tálknafjarðarhrepps, sem og umsóknareyðublöð um leyfi.
Ólafur Þór Ólafsson
sveitarstjóri
Viðhaldsframkvæmdir munu hafa áhrif á starfsemi bóksafnsins í október og huganlega eitthvað aðeins lengur. Vegna viðgerða á vatnsskemmdum sem urðu fyrir nokkrum mánuðum þarf að færa bókakost safnsins yfir í annað rými í Tálknafjarðarskóla á meðan framkvæmdum stendur. Stefnt er að því að viðskiptavinir safnsins geti nýtt þjónustu þess áfram á auglýstum opnunartíma þó hún verði eitthvað frábrugðin því sem fólk er vant.
Mánudaginn 28. september 2020 verður safnið opið á sínum hefðbundna stað á hefðbundnum tíma í síðasta sinn áður en framkvæmdir hefjast.
Isavia Innanlandsflugvellir óskar eftir að ráða tvo starfsmenn við flugvallarþjónustu Bíldudalsflugvallar. Starfið felur í sér eftirlit og viðhald á flugvallarmannvirkjum og tækjum.
Umsjón og framkvæmd snjóruðnings, hálkuvarna og samskipta við flugvélar um flugradíó, AFIS. Björgunar og slökkviþjónusta er einnig hluti af starfinu.
Hæfniskröfur:
Aukin ökuréttindi og vinnuvélaréttindi eru skilyrði
Iðnmenntun sem nýtist í starfi er kostur
Reynsla af slökkvistörfum og snjóruðningi er kostur
Góð tölvukunnátta er nauðsynleg
Gott vald á íslensku og ensku
Umsóknarfrestur er til og með 18. október 2020
Nánari upplýsingar veitir Arnór Magnússon umdæmisstjóri arnor.magnusson@isavia.is
Umsóknir berist í gegnum vef Isavia: https://www.isavia.is/fyrirtaekid/vinnustadurinn/storf-hja-isavia?jid=386#386
Fjárleitir fara fram í Tálknafirði laugardaginn 3. október og sunnudaginn 4. október n.k. ef veður leyfir. Fólki sem vill taka þátt í leitunum er bent á að hafa samband við Guðna Ólafsson leitarstjóra í síma 869-0918.
Vakin er athygli á því að farið verður eftir útgefnum leiðbeiningum um göngur og réttir vegna covid-19 og aðgengilegar eru hér á heimasíðu Tálknafjarðarhrepps.
http://talknafjordur.is/skrar_og_skjol/flokkur/54/
