Hafin er vinna við gerð strandsvæðisskipulags á Vestfjörðum grundvelli laga um skipulag haf- og strandsvæða. Svæðisráð, skipað af umhverfis- og auðlindaráðherra, bera ábyrgð á gerð strandsvæðisskipulagsins en Skipulagsstofnun annast gerð skipulagsins í umboði ráðsins.
 

Allir eru hvattir til að kynna sér efni lýsingu skipulagsins og koma á framfæri ábendingum um nálgun og efnistök í skipulagsvinnunni. Það er mikilvægt að þeir sem hafa þekkingu og innsýn á einstaka svæðum komi sínum athugasemdum á framfæri.
 

Ábendingar þurfa að vera skriflegar og má koma á framfæri bréfleiðis til Skipulagsstofnunar, með tölvupósti á hafskipulag@skipulag.is eða á athugasemdagátt  á vefnum hafskipulag.is. Frestur til að koma á framfæri ábendingum er til 1. júní 2020.

Samráðsvefsjá: https://app.maptionnaire.com/is/7572/

Katrín Jakobsdóttir, forsætisráðherra, og Lilja Alfreðsdóttir, mennta- og menningarmálaráðherra ásamt hópnum sem hlaut styrk.

Út­hlutun Barna­menningar­sjóðs Ís­lands fór fram í gær, á degi Barnsins, í Hörpunni og var verkefni Tálknafjarðarskóla eitt af þeim 41 verk­efni sem hlaut styrk úr sjóðnum í ár. Katrín Jakobs­dóttir, for­sætis­ráð­herra og Lilja Al­freðs­dóttir mennta- og menningar­mála­ráð­herra fluttu á­vörp við út­hlutunina en þetta var önnur úthlutun úr þessum sjóði sem var stofnaður í til­efni aldar­af­mælis full­veldisins. Helsta hlut­verk sjóðsins er að styðja við fjöl­breytta starf­semi á sviði barna­menningar með á­herslu á sköpun, listir og virka þátt­töku barna í menningar­lífinu.

Vegna framkvæmda við vatnsveitu föstudaginn 22. maí 2020 verða truflanir á vatnsrennsli milli kl. 08:00 og 16:00 þann daginn. Truflana gæti orðið vart víða.

 

« 1 af 7 »

Stóri plokkdagurinn var dagsettur 25. apríl en vegna ástandsins í samfélaginu ákváðum við í skólanum að fresta deginum.  Á þessum degi eru allir hvattir til þess að fara út og plokka eða týna rusl í sínu nærumhverfi. Það er hópurinn Plokk á Íslandi sem stendur fyrir deginum.
 

Grænfánanefnd Tálknafjarðarskóla bauð íbúum á Tálknafirði að þátt í þessu verkefni laugardaginn 16. maí síðastliðinn og var vel mætt. Kristinn Hilmar Marinósson kom færandi hendi með fjölnota poka til að týna í og vigtaði síðan allt það rusl sem var týnt. Alls vó það 637 kíló ! Vel gert ! Í lokin var boðið upp á kræsingar sem var vel þegið eftir góðan dag í plokki.
 

Takk allir sem komu og tóku þátt í þessu með okkur.  Við látum myndirnar tala.
talknafjardarskoli.is

« 1 af 3 »

Það er allt búið að vera á fullu í sundlauginni síðustu daga við alls konar verkefni sem bæði snúa að viðhaldi og þrifum. Í morgun voru síðustu pennslaförin dregin í sundlaugarkerið og unnið að lokafrágangi. Það náðist að klára það sem þurfti og því opnar sundlaugin núna á mánudaginn 18. maí. Við vitum að fólk bíður spennt eftir því að komast aftur í sund eftir stopp sem mörgum finnst allt of langt.

Að sjálfsögðu verður farið eftir þeim fyrirmælum sem almannavarnir hafa gefið vegna starfsemi sundlauga og því verður hvorki opið í kalda kerið né saunaklefann. Við viljum jafnframt biðja sundlaugargesti um að fara eftir þeim fyrirmælum sem gefin hafa verið til þeirra sem sækja sundstaði. Þannig hjálpumst við öll að og getum notið þess að komast loksins aftur í sund.

ÓÞÓ