Frá ráðstefnunni „Fiskeldi í köldum strandsjó Íslands“

« 1 af 2 »

Aðstandendur og skipuleggjendur ráðstefnunnar „Fiskeldi í köldum strandsjó Íslands“ eru hæstánægðir með mætingu og viðtökur ráðstefnugesta. Fjölmargir lögðu leið sína á Patreksfjörð og fylltu allt gistirými í bænum svo og á Tálknafirði. Alls komu 170 gestir frá fiskeldisfyrirtækjum, stjórnsýslu, rannsóknastofnunum og frá ýmsum þjónustugreinum og um 130 gestir mættu til hátíðarkvöldverðar á fimmtudagskvöldið. Samhliða ráðstefnunni var haldin vörusýning frá fyrirtækjum frá Íslandi, Noregi og Færeyjum í fremri sal félagsheimilisins.

459. fundur Hreppsnefndar Tálknafjarðarhrepps verður haldinn að Miðtúni 1, Tálknafirði, miðvikudaginn 9. október 2013 og hefst kl. 17:00.  Sjá fundarboð hér. (.pdf)
 

Sveitarstjóri

Frá og með deginum í dag,  mun Sara Guðrún sem býr að Hvammi, hefja störf og verða staðarhaldari Sæferða á Brjánslæk. Gert er ráð fyrir að afgreiðslan opni a.m.k. einni klst. fyrir áætlaða brottför ferjunnar og hafi opið fram yfir brottför.
 

Símanúmer verða þau sömu og áður 860 0220 á Brjánslæk (hjá Söru) en ef um fyrirfram bókannir er að ræða er best að hringja í aðalnúmer 433 2254 eða bóka á netinu   www.seatours.is

Starfsfólk Sæferða.

Háskólasetur Vestfjarða stendur fyrir kynningarfundi um námsleiðina Sjávartengd nýsköpun á Fosshótelinu á Patreksfirði fimmtudaginn 3. október milli klukkan 12 og 13.
 
Sjávartengd nýsköpun er ný námsleið hjá Háskólasetri Vestfjarða. Námsleiðin er einstaklingsmiðuð og er af þeim sökum hentugt fyrir nemendur sem eru búsettir á sunnanverðum Vestfjörðum. Skipulag námsins miðast við lotunámskeið og fjarnámskeið auk þess sem nýsköpunarverkefni, sem nemendur vinna að, vegur 50% af heildar einingafjölda. Umsóknarfrestur, til að hefja nám í janúar, er til 15. október.

Allir sem luma á hugmyndum sem gætu fallið að námsleiðinni og/eða hafa einfaldlega áhuga á bæta við sig hagnýtu meistaranámi ættu að láta sjá sig. Peter Weiss forstöðumaður Háskólaseturs mun kynna námið og svara spurningum um námsleiðina sem og annað háskólanám og Háskólasetrið almennt.

Námið í sjávartengdri nýsköpun er nokkuð frábrugðið hefðbundnu námi og verður unnin námsáætlun fyrir hvern og einn nemanda, sem samanstendur af staðbundnum námskeiðum og fjarnámskeiðum, sem og nýsköpunarverkefni. Námið er hagnýtt meistaranám og er atvinnulífstengt, allt eftir verkefni viðkomandi nemanda. Sjávartengd nýsköpun er vítt skilgreind, allt frá sjávarútvegi til í ferðaþjónustu og skapandi greina. Námið er kennt í samstarfi við Háskólann á Akureyri og Nýsköpunarmiðstöð Íslands.

Nánari upplýsingar má nálgast á heimasíðu Háskólaseturs: http://www.uwestfjords.is/sjavartengd_nyskopun/ 

Námskeiðið verður haldið á Patreksfirði, helgina 5. – 6. október.
kl:15:00-19:00 á laugardeginum í SKOR
kl: 10:00-14:00 á sunnudeginum í SKOR
 
Kennarar eru Auður Ólafsdóttir og Svanlaug Guðnadóttir hjúkrunarfræðingar við HSÍ.
 

Hugræn atferlismeðferð hefur reynst vel við að takast á við vandamál daglegs lífs og er því fyrir alla. Þessar aðferðir nýtast líka vel þegar við finnum fyrir vanlíðan eins og til dæmis kvíða eða depurð, göngum í gegnum erfiða lífsreynslu eða samskipti við annað fólk veldur okkur vandræðum.
 

Á námskeiðinu verða skoðuð tengsl hugsunar, hegðunar og líðan. Námskeiðið er ætlað öllum þeim sem vilja kynna sér út á hvað hugræn atferlismeðferð gengur og læra aðferðir til að öðlast bætta líðan, ná tökum á eigin tilfinningum, hugsunum og hegðun.
 

Sjá nánar á: frmst.is

Skrifstofa Tálknafjarðarhrepps verður lokuð frá og með 4. október til og með mánudagsins 7. október vegna fjármálaráðstefnu sveitarfélaga.