Á námskeiðinu verður fjallað um undirstöðuatriði jarðgerðar/safnhaugagerðar. Fjallað verður um hvaða hráefni er hægt að nýta til jarðgerðar og æskileg blöndunarhlutföll þeirra. Námskeiðið er opið öllum og engrar undirstöðuþekkingar er krafist.
 
Námskeiðið er frítt fyrir íbúa Vesturbyggaðar og Tálknafjarðarhrhrepps og ætlað öllum þeim sem áhuga hafa á endurnýtingu lífrænna afurða sem til falla á heimilum og görðum.  
Kennt sunnudaginn 14. apríl kl. 13:00 - 18:00.

Ferðaskrifstofan Westfjords Adventures óskar eftir starfsfólki í sumar.
 
Um er að ræða bílstjóra, leiðsögufólk og starfsfólk í ferðamannamiðstöð Westfjords Adventures.

Ferðamálafélag V-Barð boðar til aðalfundar þann 13.apríl 2013, kl. 11:00 í Félagsheimilinu Baldurshaga á Bíldudal.

Páskaopnun Íþróttahúss og sundlaugar verður með eftirfarandi hætti:

Skírdagur                              kl. 13.00 – 17.00

Föstudagurinn langi                       LOKAÐ

Laugardagur 30.mars              kl. 13.00 – 17.00

Páskadagur                                  LOKAÐ

Annar í páskum                     kl. 13.00 – 17.00

Styrksvæði flutningsjöfnunarstyrkja

Umsóknarfrestur vegna svæðisbundinnar flutningsjöfnunar rennur út 31. mars nk.

Sjá nánar: byggdastofnun.is

Með skráningu jarðfræðisafns Steins Emilssonar árið 2007 kom upp sú hugmynd að sýna og fræða fólk um líf og verk þessa athafnamanns (1893-1975) sem m.a var skólastjóri í Bolungarvík og ritstjóri tímaritsins „Vesturlands“.

Á veggspjaldasýningunni er m.a. fjallað um jarðvegsrannsóknir Steins á Íslandi sem hann borgaði yfirleitt úr eigin vösum, um tillögur hans um jarðfræði Íslands og áhrif verkefna hans á vísindin og þjóðfélagið. Steinn Emilsson, jarðfræðingur (Ársrit Sögufélags Ísfirðinga 1999).
 

Stuðst var við greinar sem hann samdi sjálfur og hafa verið skrifaðar um hann en ekki síður Steina- og jarðfræðisafnið hans og dagbækur sem erfingjar Steins afhentu Náttúrugripasafni Bolungarvíkur árið 1998. Sýningin er farandssýning sem sýnd er bæði í skólum og söfnum á Vestfjörðum.

Sýningin var fyrst sett upp í Náttúrugripasafni Bolungarvíkur.
 

Sýningin er nú uppsett í anddyri Skorar þekkingarseturs á Patreksfirði og er opin virka daga á opnunartíma setursins næstu vikur.