Frá og með mánudeginum 15. ágúst tekur vetraropnun gildi og verður Íþróttamiðstöð Tálknafjarðar opin sem hér segir:
Mánudaga - Föstudaga: 08:00 – 20:00
Laugardaga og sunnudaga: 11:00-14:00
ATH! Sölu lýkur 30 mínútum fyrir auglýstan lokunartíma og vísað er upp úr lauginni 15 mínútum fyrir lokun.
Boðað er til 595. fundar sveitarstjórnar Tálknafjarðarhrepps sem fer fram á skrifstofu sveitarfélagsins að Strandgötu 38, fimmtudaginn 11. ágúst 2022 og hefst kl. 18:00.
Sjá fundarboð hér (.pdf)
Ólafur Þór Ólafsson, sveitarstjóri
Síðar í þessari viku er stefnt að því að malbika götur á Tálknafirði. Lagt verður malbik á Strandgötu, Lækjargötu, á hafnarsvæði sem og á göngustíginn frá Hólsá að skólasvæðinu. Íbúar og aðrir vegfarendur eru beðnir um að fara varlega á meðan þessum framkvæmdum stendur. Gatnaframkvæmdir eru þess eðlis að þær valda alltaf einhverju raski og óþægindum, en sem betur fer sér nú fyrir endann á því.
Undanfarna daga hefur regnbogafáninn blakt á fánastöng sveitarfélagsins á Lækjartorgi í tilefni af Hinsegin dögum og mun gera það áfram nokkra daga enn. Tálknfirðingar fagna fjölbreytileikanum og fáninn minnir á að allar manneskjur eiga rétt á að njóta sömu mannréttinda án tillits til uppruna þeirra, þjóðernis, litarháttar, trúarbragða, stjórnmálaskoðana, kynferðis, kynhneigðar, aldurs, efnahags, ætternis, fötlunar, heilsufars eða annarrar ómálefnalegrar stöðu.
Eins og annars staðar á landinu mun gleðiganga fara fram á sunnanverðum Vestfjörðum laugardaginn 6. ágúst. Gengið verður frá grunninum sem er gegn Kátu krullunni á Patreksfirði og endað í diskóstuði á Flak og byrjar gangan kl. 16:30. Það verður tónlist, andlistmálun, regnbogavarningur til sölu og gleðistemning alls ráðandi. Er öll fjölskyldan hvött til að koma og taka þátt í gleðinni.
Þá er það sérstaklega ánægjulegt að það skuli vera Tálknfirðingurinn Bjarni Snæbjörnsson sem flytur einkennislag Hinsegin daga í ár og ásamt því að taka þátt í því að semja lagið. Hægt er að hlusta á lagið og sjá texta þess hér:
Vegna sumarleyfa verður skrifstofa Tálknafjarðarhrepps lokuð frá og með 18. júlí til og með 8. ágúst
Skrifstofan opnar aftur þriðjudaginn 9. ágúst 2022 kl. 10:00
Kveðja, starfsfólk skrifstofu Tálknafjarðarhrepps.
Íþróttahúsið á Tálknafirði auglýsir laus störf við sundlaugina frá og með 15, ágúst.
Störf sundlaugarvarða felast í almennri afgreiðslu og þrifum auk eftirlits með sundlaug og íþróttahúsi. Unnið er á vöktum, dag, kvöld og helgar.
Æskilegt er að viðkomandi sé þjónustulundaður og ekki er verra að hafa dálítið frumkvæði.
Æskilegt er að umsækjandi tali amk eitt tungumál auk íslenskunnar.
Umsækjendur skulu vera orðnir 18. ára.
Laun eru samkvæmt kjarasamningi FOS-VEST og Launanefndar sveitafélaga.
Skylt er að afla upplýsinga úr sakaskrá samkvæmt 4. málsgrein 10. greinar Æskulýðslaga nr. 70/2007.
Allar nánari upplýsingar veitir Bjarnveig Guðbrandsdóttir í síma: 846-4713
eða sundlaug@talknafjordur.is
Umsóknarfrestur er til 3. ágúst 2022.
