Vesturbyggð í samvinnu við Tálknafjarðarhrepp, Arnarlax hf. Odda hf. og Héraðssambandið Hrafnaflóka óska eftir tilboðum í almenningssamgöngur á sunnanverðum Vestfjörðum. Útboðið skiptist í tvær undirleiðir og er bjóðendum frjálst að bjóða í aðra þeirra eða báðar. 

Opnunarfundur tilboða er á skrifstofu Vesturbyggðar klukkan 11:00 18. ágúst 2017. Fyrirspurnafrestur er til 9. águst 2017 og verður öllum fyrirspurnum svarað 6 dögum áður en útboðsfrestur rennur út eða þann 12. ágúst 2017. Svör við öllum fyrirspurnum verða send til allra þeirra sem óskað hafa eftir útboðsgögnum.
 

Útboðsgögn má nálgast með því að hafa samband við skrifstofu Vesturbyggðar í síma 450-2300 eða senda tölvupóst á netfangið vesturbyggd@vesturbyggd.is

Einbýlishús byggt 1973 og er steinsteypt.  

Húsið samanstendur af fjórum svefnherbergjum, stofa, eldhús og baðherbergi. Húsið er skráð 164,3 m² , þar af er bílskur sem er sambygður 33,5 m²

Ásett verð er 18 mkr..

Húsið er í útleigu sem stendur og er afhending háð skilmálum leigusamnings.

Frekari upplýsingar veitir sveitarstjóri,  í síma: 450-2501

Skoðunarskylda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum.Við bendum væntanlegum kaupendum/kaupanda á að kynna sér vel ástand fasteigna við skoðun og fyrir tilboðsgerð og að leita til sérfræðinga um nánari ástandsskoðun ef svo ber undir.

Kostnaður kaupanda sem greiðist við kaupsamning.
1. Stimpilgjald af kaupsamningi/afsali - 0.8% af heildarfasteignamati (0.4% við fyrstu kaup) - 1,6% fyrir lögaðila.

2. Stimpilgjald af veðskuldabréfi - 0% af höfuðstól skuldabréfs.

3. Þinglýsingagjald af kaupsamningi, veðskuldabréfi, veðleyfi o.fl. kr 2.000 skjalið.

4. Lántökugjald lánastofnunar - almennt 0,5%-1,0% af höfuðstól skuldabréfs.

5. Umsýslugjald til fasteignasölu sbr. kauptilboð.

Samkvæmt 1. mgr. 41. gr. skipulagslaga nr. 123/2010 eru hér auglýst tillaga að eftirfarandi deiliskipulagi: Deiliskipulag fyrir fyrir frístundabyggð og þjónustulóðar á milli Hólsár og skólasvæðis í Tálknafirði.
 

 Sveitarstjórn Tálknafjarðarhrepps auglýsir hér með skv. 1. mgr. 41. gr skipulagslaga nr, 123/2010 tillögu að deiliskipulagi fyrir frístundabyggð og þjónustulóðar á milli Hólsár og skólasvæðis í Tálknafirði.

Sveitarstjórn Tálknafjarðarhrepps samþykkti á fundi sínum 9. mars 2005 að auglýsa deiliskipulag á svæði milli Hólsár og skólasvæðis skv. 41. gr. laga nr. 123/2010 m.s.br. Afmörkun skipulagssvæðisins náði yfir um 7,8 ha og fól í sér 17 lóðir fyrir frístundabyggð, þar af eina með 5 smáhýsum, eina lóð fyrir þjónustu/hótel, leiksvæði, kirkjulóð og kirkjugarð. Ofangreind skipulagstillaga var ekki auglýst í B-deild Stjórnartíðinda og tók því aldrei lögformlega gildi, en tillagan sem hér er lögð fram byggir á henni. Deiliskipulagstillaga þessi nær jafnframt yfir deiliskipulag fyrir hótel og kirkju sem var samþykkt 7.júní 2000 en nú verða þær breytingar að lóð og byggingareitur fyrir hótel stækkar og lóð fyrir smáhýsi er færð á lóð númer 17 við Kirkjuhólsbraut. Deiliskipulag er í samræmi við aðalskipulag Tálknafjarðar 2006-2018.
 

Deiliskipulagstillagan verður til sýnis á skrifstofu Tálknafjarðarhrepps að Strandgötu 38 frá og með mánudeginum 17. júlí  nk. til 28. ágúst 2017. Tillagan er einnig til sýnis á heimasíðu Tálknafjarðarhrepps, www.talknafjordur.is. 
 
Þinghóll, skýringaruppdráttur (.pdf)
  

Þeim sem telja sig eiga hagsmuna að gæta er hér með gefinn kostur á að gera athugasemdir við tillöguna til 28. ágúst 2017.
 

Skila skal athugasemdum á skrifstofu Tálknafjarðarhrepps, Strandgötu 38, 460 Tálknafirði.

Skipulagsfulltrúi Tálknafjarðarhrepps
 

Vegagerðin auglýsir hér drög að tillögu að matsáætlun vegna fyrirhugaðra framkvæmda á Vestfjarðavegi (60) um Dynjandisheiði og á Bíldudalsvegi (63) frá Bíldudalsflugvelli að Vestfjarðavegi á Dynjandisheiði. Framkvæmdin er í sveitarfélögunum Vesturbyggð og Ísafjarðarbæ.
 

Núverandi Vestfjarðavegur er 41,1 km langur en gert er ráð fyrir að nýr vegur verði 35,4-39,2 km langur, háð leiðarvali. Áætlanir eru um að meta umhverfisáhrif þriggja veglína, þ.e. A, B og C.  
 

Núverandi Bíldudalsvegur er 29,1 km langur en gert er ráð fyrir að nýr vegur verði aðeins styttri.
 

Markmið framkvæmdarinnar er að opna heilsárshringveg um Vestfirði með því að bæta samgöngur um Vestfjarðaveg (60) milli norðan- og sunnanverðra Vestfjarða og um Bíldudalsveg (63) milli Bíldudals og Vestfjarðavegar. Gert er ráð fyrir að samgöngur á svæðinu verði áreiðanlegri og öruggari og að framkvæmdin hafi þar með jákvæð áhrif á samfélagið.
 

Drög að tillögu að matsáætlun eru kynnt á heimasíðu Vegagerðarinnar, http://www.vegagerdin.is/framkvaemdir/umhverfismat/matsaetlun/ samkvæmt reglugerð 1123/2005 um mat á umhverfisáhrifum. Almenningur getur gert athugasemdir við áætlunina og er athugasemdafrestur til 31. júlí 2017. Athugasemdir skal  senda með tölvupósti til helga.adalgeirsdottir@vegagerdin.is eða til Vegagerðarinnar, Miðhúsavegi 1, 600 Akureyri.

Tekið af vef Umhverfisstofnunar.