Heilsufarsmæling á Tálknafirði, miðvikudaginn 10.maí að Strandgötu 38

Hjartaheill og SÍBS í samstarfi við sveitarfélög og Heilbrigðisstofnanir Vestfjarða og Vesturlands munu bjóða Vestfirðingum ókeypis heilsufarsmælingu 9.-12. maí næstkomandi.
 

Mælingarnar ná til helstu áhættuþáttta lífsstílssjúkdóma þar sem mældur er blóðþrýstingur, blóðsykur, blóðfita, súrefnismettun og styrkur auk þess sem boðið verður upp á öndunarmælingu fyrir þá sem mælast lágir í súrefnismettun. Jafnframt gefst þátttakendum kostur á að svara lýðheilsukönnun. Fræðsla um lífsstílstengda sjúkdóma verður í boði, hjúkrunarfræðingar frá heilsugæslunni verða á staðnum og veita ráðgjöf og eftirfylgd.  
 
Reglulega verður greint frá niðurstöðum mælinga á Facebook síðu SÍBS auk þess sem þátttakendum gefst kostur á að fá sínar niðurstöður sendar í tölvupósti ásamt heildarniðurstöðum. Oddvitar, bæjar- og sveitarstjórar munu opna mælingarnar í sinni heimabyggð.
 

Sjá dagskrá fyrir SÍBS Líf og heilsa verkefnið í heilsugæslum í: 
Búðardal, þriðjudaginn 9. maí, kl. 11 – 13
Reykhólum, þriðjudaginn 9. maí. kl. 12 – 14
Patreksfirði, þriðjudaginn 9. maí, kl. 18 – 20
Tálknafirði, miðvikudaginn 10. maí, kl. 10 – 12
Bíldudal, miðvikudaginn 10. maí, kl. 10 – 12
Þingeyri, miðvikudaginn 10. maí, kl. 16 – 18
Flateyri, miðvikudaginn 10. maí, kl. 17 – 19
Ísafirði, fimmtudaginn 11. maí, kl. 10 – 14
Suðureyri, fimmtudaginn 11. maí, kl. 15 – 17
Bolungarvík, fimmtudaginn 11. maí, kl. 15 – 17
Súðavík, fimmtudaginn 11. maí, kl. 18 – 20
Drangsnesi, fimmtudaginn 12. maí, kl. 10 – 12
Hólmavík, fimmtudaginn 12. maí, kl. 14 - 17
 

Útskriftarhátíð Fjölbrautaskóla Snæfellinga verður haldin miðvikudaginn 24. maí í hátíðarsal skólans í Grundarfirði. 

Hátíðin hefst kl.15:00 og að henni lokinni verða kaffiveitingar í boði skólans.
 

Allir velunnarar skólans eru velkomnir.

Skólameistari

Tálknafjarðarhreppur auglýsir starf flokksstjóra  laust til umsóknar.
 

Um er að ræða 100% starf í þrjá mánuði yfir sumartímann.

Starfið hentar báðum kynjum.
 

Frekari upplýsingar  gefur:

Arnheiður Jónsdóttir

Sími: 450-2300

arnheidur@vesturbyggd.is

Kæru Tálknfirðingar. Í dag föstudag 28/4 ætlum við að hafa tilrauna opnun í versluninni Hjá Jóhönnu frá kl. 16:00 til 18:00. Á morgunn laugardaginn 29/4 verður opið frá kl 13:00 til 15:00 en lokað á sunnudag og á 1. maí.

Eftir það verður opið mánudaga-föstudaga 11:00 til 18:00 og á laugardögum 11:00 til 15:00. Lokað á sunnudögum.
 

Okkur langar að taka fram að vörulagerinn er ekki full mótaður þannig að við reynum að taka vel á móti öllum ábendingum um vörur sem þið teljið að gætu fallið inní vöruúrvalið hjá okkur, við biðjumst því velvirðingar á því ef vara er ekki komin í hús hjá okkur.
 

Með fyrirfram Þökk, Jóhanna & Ásgeir.
 

Sveitarstjórn Tálknafjarðarhrepps auglýsir hér með skv. 1. mgr. 43. gr. skipulagslaga nr. 123/2010 breytingu á deiliskipulagi fyrir athafnasvæði seiðaeldis í landi Gileyrar og Eysteinseyrar í Tálknafirði.
 

Breytingin felur í sér að hluti byggingarreits B2 er stækkaður um 25m til austurs og verður 10.300m² í stað 7400m². Skilmálar eru óbreyttir frá gildandi deiliskipulagi. Megin tilgangur þessarar breytingar er að skapa pláss á byggingareit fyrir stoðmannvirki við seiðaeldið sem þurfa að vera staðsett ofar í landinu eins og vatnstank og súrefnistank.
 

Breytingartillagan verður til sýnis á skrifstofu Tálknafjarðarhrepps að Miðtúni 1 frá og með 26. apríl  nk. til 9. júní 2017. Tillagan er einnig til sýnis á heimasíðu Tálknafjarðarhrepps, www.talknafjordur.is.
breytt deiliskipulg gileyri-eysteinseyrir uppdráttur (.pdf)
 

Þeim sem telja sig eiga hagsmuna að gæta er hér með gefinn kostur á að gera athugasemdir við deiliskipulagið til 9. júní 2017.
 

Skila skal athugasemdum á skrifstofu Tálknafjarðarhrepps, Miðtún 1, 460 Tálknafirði.
 

Skipulagsfulltrúi Tálknafjarðarhrepps

• Hafnarvörður/áhaldahús/eignasjóður.  

Helstu verkefni :

• Vigtun sjávarfangs skv. lögum og skil á skýrslum því tengdu.
• Umhirða hafnarsvæðis - viðhald og eftirlit með tækjum og fasteignum.
• Umsjón með niðurröðun báta við bryggjur í samráði við útgerðaraðila.
• Skil á mánaðalegum skýrslum til skrifstofu vegna hafnargjalda,rafmagns ofl
• Skráning á skipakomum og skil á skýrslum til skrifstofu því tengdu.
• Útvega verndarfulltrúa við skipakomur.
• Almennt viðhald fasteigna og tækja allra deilda hreppsins.
• Umsjón með viðhaldi, hálkuvörn og snjómokstri á götum í þéttbýli.
• Umsjón með moltutromlu/endurvinnslu og ástandi áhaldahúss.
• Vinnuvélastjórnun.
• Útgáfa skilaskýrslna til úrvinnslusjóðs.
• Gerð fjárhagsáætlunar fyrir áhaldahús, hafnarsjóð og eignarsjóð
• Umsjón með gámaplani sveitarfélagsins.
• Umsjón með vinnuskóla sveitarfélagsins.

Starfskröfur :

• Höfn : Almenn tölvukunnátta er skilyrði, sem og  þekking á excel,word og interneti vegna vinnu við Gafl vigtarforrit  og tölvupóst.  Viðkomandi þarf annað hvort að hafa réttindi sem löggiltur vigtarmaður eða að vera reiðubúinn til að fara á námskeið til öflunar slíkra réttinda. Viðkomandi þarf að hafa gott vald á íslensku, og ensku.
• Áhaldahús :  Iðnmenntun æskileg. Hæfi til að greina þörf á viðhaldi fasteigna, gatna, vatnsveitu, fráveitu, véla og tækja sveitarfélagsins.
• Eingarsjóður : Viðkomandi þarf að geta sinnt almmenu viðhaldi, og að annast gerð viðhaldáætlunar fyrir fasteignir sveitarfélagsins. 
• Gámaplan: Viðkomadi annast umhirðu á gámaplanai og móttöku á sorpi frá einstaklingum og fyrirtækjum og skilar inn skýrslu til skrifstofu um magn á sorpi o.fl. 
• Vinnuskóli: Viðkomandi gerir áætlun um rekstur vinnuskóla, sér um ráðningu flokkstjóra og skipuleggur allt starf vinnuskólans.

Viðkomandi þarf að vera lipur í samskiptum, stundvís, reglusamur og snyrtimennska höfð í fyrirrúmi.  Þá þarf viðkomandi að hafa getu til þess að vinna sjálfstætt og hafa vilja til að sýna ábyrgð.  Viðkomandi þarf að geta hafið störf  1.júni 2017. 

Starfshlutfall er 100%, laun skv. kjarasamningi FosVest og launanefndar sveitarfélaga. 

Umsóknum skal skilað til sveitarstjóra á skrifstofu eða rafrænt á netfang sveitarstjori@talknafjordur.is  Umsóknareyðublöð er hægt að nálgast á http://talknafjordur.is/   Umsókn þurfa að fylgja eftirtalin gögn, sakavottorð og vottorð um búsforræði.

 Umsóknarfrestur er til 10. maí 2017.

Allar nánari upplýsingar veitir sveitarstjóri á skrifstofu sveitarfélagsins og/eða í síma 456-2539, / netfang sveitarstjori@talknafjordur.is